اود ووردی دهره دیده گریانی زینبون #زینبیه_غمکش

شهادت حضرت زینب(س)
.
✍️زبدة الاشعار✍️
.
🆔: @nohe_torki
.
مرحوم غمکش
.
اود ووردی دهره دیده گریانی زینبون
شاهدی عرضیمه ایله جانانی زینبون
.
کربوبلانی ترک ایلمزدی یقین واریم
اولسیدی گر چه ذرّه جه امکانی زینبون
.
درمان تاپاماندی ئوزی ئوز دردینه خانم
ویرانه‌لرده اولمادی درمانی زینبون
.
عارف حسینچیلر بیلور عالم بیلور بونی
کئچدی نه نوعی اوّل و پایانی زینبون
.
هئچ کیمسه گورمیوبدی گورن گونلرون اونون
غرق ایلیوبدی سهملی طوفانی زینبون
.
مخیمده گوردی محشری آغلار گوزی اونون
چیخدی جانی او عرصده بیر آنی زینبون
.
مقتلده ال قلینجا آتاندا او باغریقان
جوشدی رگینده مثل علی قانی زینبون
.
ال پارچالاندی سسلدی یا مرتضی علی
سرخ اولدی خون دستله دامانی زینبون
.
شمره آجیقلانوبدی ابوالفضل تک خانم
سخت اولدی ریگ زاریده میدانی زینبون
.
قورخوتدی شمر ظالمی اوندا علی قیزی
واجبدی عصریده ایله فرمانی زینبون
.
گوردی حسین فاطمه مقتلده خواهرین
برهم یئیوبدی غیضیلی میزانی زینبون
.
شمری سالوب تلاطمه فرزند مرتضی
حور و ملک اولوبدولا حیرانی زینبون
.
قوزانسا آهی گویلره ذوب ایلر امّتی
وار حق یانوندا چون سر و سامانی زینبون
.
بیردن بویوردی صبر ایله ای خواهر عزیز
گلدی دیله برادر عطشانی زینبون
.
ترک ائت منانی قوی چاتا آماله نهضتیم
فرمان وئروبدی اول شه مردانی زینبون
.
امر امامیدی خانم ال چکدی یوخسا نه
اوخداندا کاریدور دل سوزانی زینبون
.
وار شمریده بو جرأت زشت و جفا مگر
عفو ائت بویوردی خسرو خوبانی زینبون
.
زینب یانوندا باش کسه بیلمزدی شمر دون
حالین پوزاردی شیون و نالانی زینبون
.
.
.
ای خامه آیری قافیه‌ده یاز بو مطلبی
شامه گتوردی پیک اجل غملی زینبی
.
.
.
چوخ باخدی یولاّرا گل باغی سولان خانم
داده چاغوردی قارداشینی باغریقان خانم
.
سسلندی گل هرایمه ای شاه تشنه کام
شام بلاده سینه سی غمدن یانان خانم
.
ایندی ئولور بو شهرده یوخ دادرس اونا
قارداش دیلنده گوزلری یولدا قالان خانم
.
چوخ میلی وار کفن گتیره تشنه لب حسین
اخیامیدن چوخور یئره ساری قاچان خانم
.
بیردن دولاندی کربوبلا سمتینه او دم
یومدی گوزون او قامتی غمدن کمان خانم
.
زینُ العبا بویوردی گلون دورینی آلون
ایندی گئدور حضوره شه مهربان خانم
.
کیم فکر ائدردی زینب ئولر اولماز هئچ کسی
غربتده جان وئرر بئله بو قهرمان خانم
.
«غمکش» قوتار بو مطلبی یاندی دلیم گئنه
مهمان گئدوب حسینینه اول نوحه خوان خانم
.
.
#زینبیه_شهادت
#اود_ووردی_دهره_دیده_گریانی_زینبون
#غمکش
#یادگار_غمکش
#ترکی
.
✍️ #زبدةالاشعار ✍️
.
🆔: @nohe_torki