داده گل ای زمانه نون صاحبی،شاهی،الدّخیل #مهدیه_مضطر_اردبیلی

عرض حال به امام زمان(عج)
.
.
مرحوم #مضطر_اردبیلی
.
داده گل ای زمانه نون صاحبی،شاهی،الدّخیل
دین مبین برحقون پشت پناهی الدّخیل
.
.
محو اولا جور ظلمیلن شرع پیمبر آز قالوب
ظاهری شیعه،باطناً شیعه حیدر آز قالوب
اولسون اَراده پایمال مذهب جعفر آز قالوب
ایسته ظهوریوه اولا امر الهی الدّخیل
.
.
.
بیر نولا مقتضی اولا امر خدای کردگار
تا اولاسان بو عن قریب پردۀ غیبدن کنار
مثل امیر مومنان قدرت الونده ذوالفقار
ایلیه سن فنا هامی قوم تباهی الدّخیل
.
.
بیرجه گوریدی مسلمین ایلوری جبرئیل ندا
ایتدی ظهور کعبه دن حضرت حجّت خدا
شمس کیمین جهان اوزین نوریلن ایتمیسن ضیا
نورون ایدوبدی منهدم ابر سیاهی الدّخیل
.
.
قلبیمیز آتش غم جدّون حسینده داغلانوب
اکبری نوجوان ئولوب اصغری تشنه اوخلانوب
نسگل اولوب اوچ ایل اولار قبرینه راه باغلانوب
بیرجه نگاه لطفیلن فتح ایله راهی الدّخیل
.
.
شیعه لرون فراهم ایت دلده کی آرزولرین
بوسه قیلاق ابالفضلون خرداجا قبر اطهری
توز باسا راضی اولما سن قبر علیّ اکبرین
یوخسا جهانه اود سالار لیلینون آعی الدّخیل
.
.
ایله تقاص شمردن خون حسین و اکبری
قالدی ستمله جدّوون اوچ گون اراده پیکری
حرمله لعیندن آل خون علیّ اصغری
گوگده نشانه سی هنوز واردی گواهی الدّخیل
.
.
ای دُر پاک مرتضی وی گل باغ مصطفی
سینه ویران جوانلارون دردینه لطف قیل دوا
((مضطر))اردبیلیه بیر نظر ایله ای آقا
یوخدی معاش آخرت چوخدی گناهی الدّخیل
.
.
#مهدیه_مضطر_اردبیلی
#داده_گل_ای_زمانه_نون_صاحبی_شاهی_الدخیل
#ترکی
.
#زبدةالاشعار
.
: @nohe_torki