زبدةالاشعار

دور یاتما دلده گور نه هیاهو گتورموشم #اربعین_شبگیر_تبریزی

اربعین
.
.
شبگیر تبریزی
.
.
دور یاتما دلده گور نه هیاهو گتورموشم
اثبات عشقیمه آغاران مو گتورموشم
.
قارداش مُسخّر ایلمیشم شام و کوفه نی
مرهونووام گزارش نیکو گتورموشم
.
گرچه ریاضتیم اولوب افزون سِیرده
سهل ریاضته دیله یاهو گتورموشم
.
لیکن یزید وقرینی نطقیله پوزموشام
قدّ رسای ظلمی به زانو گتورموشم
.
قانون شرع و قانوین احیاسینی حسین
نسوان کلّ عالمه الگو گتورموشم
.
بیر اربعین ده ره صد ساله طیّ ائدوب
میعادگاه عشقه حسین رو گتورموشم
.
ای آفتاب چرخ بلا یاتما قبریده
آخر بو چرخه انجم کم سو گتورموشم
.
بو سن بو عترتون آنام اوغلی جواب وئر
بیر دسته خسته قبریوه تیهو گتورموشم
.
شام ایچره بیر سفیری نماینده قویموشام
لیکن ربابی من سنه دلجو گتورموشم
.
دیندیر ربابی اصغرنین ناگرانیدور
اشکی اولوب عذارینه ترغو گتورموشم
.
یاتسا اویات قوجاقینه وئر بیرده اصغرین
مادر دوشونده شیر سمن بو گتورموشم
.
ای ذبح اولان قفادن اویان قارداشیم اویان
گوز کاسه سینده قانه دونن سو گتورموشم
.
پیراهنون تلاشیله اللردن آلمیشام
فرش عزا بو مدفنه گیسو گتورموشم
.
بو قانلی بیر عمامه دی اللردن آلمیشام
دلده بو باره دن سنه آهو گتورموشم
.
انگشترون نه نوعیله بجدلدن آلمیشام
گوز یاشیمی بوغازووا دارو گتورموشم
.
چوخ سعی ائدوب تاپانمامیشام ساربانووی
بو باره ده اوره کده هیاهو گتورموشم
.
نیلی ائدوبدی قوللاریمی تازیانه لر
نیلی صفت قولومدا النگو گتورموشم
.
بولدوم که گرد و خاک دوتوبدور مزاریوی
مژگانیمی مزاریوه جارو گتورموشم
.
شبگیریوم حضوریوه یوخ قابل ارمغان
آخر حضوره شعری چو شب بو گتورموشم
.
.
#دور_یاتما_دلده_گور_نه_هیاهو_گتورموشم
#ترکی #اربعین #شبگیر_تبریزی
#زبدةالاشعار

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...