گل باجی رزمگاهدن عطر جنان گتورموشم #اکبریه_اشکی_تبریزی

خطاب امام حسین به خواهرش در شهادت حضرت علی اکبر (ع)
.
.
.
#سبک_ای_حرمینه_ناز_ایدن … 3 سبک
.
.
رحیم اشکی تبریزی (1)
.
گل باجی رزمگاهدن عطر جنان گتورموشم
قرمزی گلدی بیر عبا شَبنَمی قان گتورموشم
.
.
گرچه خزان ایدوبدیلر اکبریمون بهارینی
لیک معطّر ایلیوب فاطمه لاله زارینی
گل کیمی یاره لر آلوب بلبلون اختیاریتی
آغلاماقون بهاری دور عمری خزان گتورموشم
.
.
هانسی چمنده گور باجی بیله گلون نشانی وار
هانسی گلون بو عطری وار من کیمی باغبانی وار
بیله گلون سکینه تک بلبل خوش زبانی وار
وای علی وای او بلبله ورد زبان گتورموشم
.
.
بسکه بو ماهرو جوان طالب بزم یاریدی
سلسلۀ رسالته مایۀ افتخاریدی
محضر یاره گیتماقا شوقیله بیقراریدی
نائل وصل یار بیر تازه جوان گتورموشم
.
.
ایسته سه بیرده خاطرون ، گورماقا مه جمالینی
گوز یاشویله سیل ازل ، یوزده کی خون آلینی
گور نفسی گلور اگر ایله سئوال حالینی
یا کسیلوب نفس ویروب شوقیله جان گتورموشم
.
.
ماه سپهر عزّته ، قرمزی قان سالوب شفق
بسکه ووروبلا اوخ قلج ، جسمده قالمیوب رمق
مصحف ناطق اوغلونی ، تیر یازوب ورق ورق
تیغ چکوبدی خط ، قویوب نقطه سِنان گتورموشم
.
.
باشدا آتام على کیمی ، باجی قلج یاراسی وار
بیله که قان آخور یوزه ، صورت مرتضاسی وار
مه یوزونی گورن دیر ، معجز مصطفاسی وار
قدرت مصطفا وئرور باشدا نشان گتورموشم
.
.
جان ویروب اکبریم منیم ، کام دلیم گلوب اله
رسمدی نوجوان غمی باجی شرر سالار دله
ایله خبر عزاسینه لیلیِ بینوا گله
چون اونا مایۀ غم و آه و فغان گتورموشم
.
.
بَسلَه میوبدی بیر آنا ، بیله ملک جمال اوغول
لیلیه مژده وئر قضا ، امرینه اولماسون ملول
تشنه قتیل حقدى بو ، یار ئوزى ایلیوب قبول
اولدی قبول فدیه سی مژده عیان گتورموشم
.
.
قرمزی قان جوانیمه ، بستر خواب ناز اولوب
شادم ئوزوم که لیلینون ، سینه سی پر گداز اولوب
فاطمه محضرینده بو ، باره ده سرافراز اولوب
حاصل زحمتین اونا مایۀ شان گتورموشم
.
.
قانه باتان جنازه سین باغلاموشام عبایه من
خیمیه بیر عبا گلور ، گل دولوسیله بیر چمن
پیکری تازه گل آچوب ، خوش بزنوب بو گل بدن
یاره لرین هله اولور قانی روان گتورموشم
.
.
الدن آلوب قراریمی اکبریمون بو حالتی
باشدان ایاقه دوغرانوب تیغیله سرو قامتی
قان یوزونی دوتوپدی وار مَه دَه کَدَر علامتی
شمس و نجوم دن ایدوب سلب توان گتورموشم
.
.
واردی بو آستانه ده ، جملۀ شهلرون گوزی
شاه جهانه عرض ایدر ، هر کیمون اولسا بیر سوزی
«اشکی» سوزون دگول بو سوز ، بو سوزی شه دیوب ئوزی
گل باجی قتلگاهدن عطر جنان گتورموشم
.
.
(1) رحیم اشکی فرزند شاعر بزرگ مرحوم #کلامی_تبریزی و ساکن ورامین هستند (نقل از گنجینه گذشتگان ج 10)
.
.
#اکبریه_شهادت
#گل_باجی_رزمگاهدن_عطر_جنان_گتورموشم
#ترکی #اکبریه #اشکی_تبریزی
#زبدةالاشعار