#عاشورا_گونی
رجز عاشورا
.
✍️ زبدة الاشعار ✍️
?: @nohe_torki
.
حاج علیرضا امانی اردبیلی
.
ئولدوروب مظلوم امامی امت عاشورا گونی
خیمه گاه عترت اولدی غارت عاشورا گونی
.
جنیلر حتی حمایت ائتدی الله قانینه
حوریلر عرض ارادت ائتدی الله قانینه
کوفه لی اما خیانت ائتدی الله قانینه
لکه دار اولدی او چولده غیرت عاشورا گونی
.
نیزه اوستونده طلوعین ائتدی آخشام اوستی گون
دوشدی نظم کائناته ئوز مدارینده دوگون
قانلی مقتلده ائدوب فریاد جبرائیل او گون
قطعه قطعه کثرت اولدی وحدت عاشورا گونی
.
دین اسلامین لباسین گئیدی تا اهل گناه
وحدهو وحده اولوب ذکر سپاه لا اله
روبرو با هم دایاندی بیر قوشون ییر خیمه گاه
قالدی زینب سایه سینده عترت عاشورا گونی
.
قهرمان زینب حمایت ائیله دی یالقوزلاری
قویمادی دوشسون سحابه در بدر اولدوزلاری
تازیان آلتیندا بیر بیر آلدی الدن قئزلاری
نه رواق عرشه گلدی وحشت عاشورا گونی
.
انقلاب کربلانی آغلادار بو انقلاب
غارتین دردیننن ائتسه کورپه قئزلار التهاب..
نئینییر آواره لیلا ، نئینییر آیا رباب؟
مشکله دوشدی حریم عصمت عاشورا گونی
.
آل اطهر سینه سینده گیزلی بیر احساس وار
لبلرینده آهیلن یا عمی العباس وار
هارداسان گل ، خیمه گهده لشکرء خناس وار
یاتما نهر اوسته اسیر خجلت عاشورا گونی
.
گل عمو ائیله ئوزون بیچاره قئزلار چاره سین
ایستمز هئچ کیم ، قوشون وئرسین آلان گوشواره سین
شیرخواره اوخ وورانلار ، آختارور گهواره سین
سیلیه اعدا چکوبلر نوبت عاشورا گونی
.
#عاشورا
#ئولدوروب_مظلوم_امامی_امت_عاشورا_گونی
#امانی_اردبیلی
#ترکی
.
✍️ #زبدةالاشعار ✍️
?: @nohe_torki
نظر دهید