دور ای تشنه وئرن جان یارالی آنام اوغلی #اربعین_نجمی_تبریزی

اربعین
.
#زبدةالاشعار
.
: @nohe_torki
.
#سبک_علی_جان_بالا_لبیک ..
مشابه
.
.
مرحوم سید یوسف نجمی تبریزی
.
دور ای تشنه وئرن جان یارالی آنام اوغلی
باجون قبریوه قربان یارالی آنام اوغلی
.
.
بلا تیری همیشه باجون قلبینی دلدى
گئدوب کوفه و شامی گزوب قبریوه گلدی
بو شش گوشه مزارون حسینیم نه گوزلدی
گورن ایلوری افغان یارالی آنام اوغلی
.
.
گوزوم یاشی روادور دونه بارش ابره
ویرا رخنه سرشک تریم خانه ی صبره
گرک سو سپه زینب بو شش گوشه لى قبره
توکه گوز یاشی هر آن یارالی آنام اوغلی
.
.
دئدیم کوفه ده گرچه کسوک باشووه قربان
باتان تپراقا قانه او گوز قاشووه قربان
ولی ایندی بو قبره بو باش داشووه قربان
آلور طاقت و امکان یارالی آنام اوغلی
.
.
بو قبروندی چکوب باش حسین عرش خدایه
سالوب نخله ی طوبا کیمی جنّته سایه
بو قبره اولوب اشک تر فاطمه پایه
ائدوب ناله و افغان یارالی آنام اوغلی
.
.
سرشکیمده نقدری یوزومده جریان وار
یانان دلده مین اونجا غم و درد نهان وار
ولی هر نقدر غم یته منده توان وار
دوزر مشگله آسان یارالی آنام اوغلی
.
.
دل زاریمه پی در دگوب تیر شماتت
اولوب کوفه ده بی حد من زاره اهانت
باجون زینبی دلدن سالوب بار مصیبت
اولوب قامتی چوگان یارالی آنام اوغلی
.
.
بیر آز الده برادر اگر فرصت اولیدی
یانان دلده دئماقه سوزی طاقت اولیدی
اگر دوره ی قبرون حسین خلوت اولیدی
گورردون منی شان شان یارالی آنام اوغلی
.
.
نلر چکمیشم الله بیلر کوفه ده قارداش
او محنتلری اشگیم آخوب یوزده ائدر فاش
بالام شامده قالدی ئولیدی باجون ایکاش
منی ائتدی پریشان یارالی آنام اوغلی
.
.
اوزون یاخشی بیلورسن ایا سرور عطشان
نه دردیله رقیه وئروب حسرتیلن جان
دئمم ئولدی آجیندان او دلخسته پریشان
دئسم باغرون اولار قان یارالی آنام اوغلی
.
.
دئمه صبر یولوندان یانوب ذرّه جه آزدیم
قازان اولمادی قبرین اوزوم آهیله قازدیم
او دلخسته نی مدفون ائدوب باش داشی یازدیم
نئجه باش داشی عریان یارالی آنام اوغلی
.
.
نئجه باش داشی باشدان ایاقه غم و ماتم
گوره بیرده نظیرین چتین دیده ی عالم
علی اکبر آدیلا رقیّه آدی باهم
یازیلدی شه عطشان یارالی آنام اوغلی
.
.
جهان واردی او قبره کیمون دوشسه گذاری
او باش داشینی گورسه یانار قلب فکاری
بیلر فرقت اکبر سالوب الدن او زاری
وئروب حسرتیلن جان یارالی آنام اوغلی
.
.
اگرچه سنی چوخ چوخ ائدوب «نجمی» زیارت
توکوب اشگ زلالین تاپوب فیض سعادت
گینه قبریووه ایسته اونا ایله کرامت
اولا دردینه درمان یارالی آتام اوغلی
.
.
#اربعین_نجمی_تبریزی
#دور_ای_تشنه_وئرن_جان_یارالی_آنام_اوغلی
#ترکی
.
#زبدةالاشعار
.
: @nohe_torki