اربعین
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
مرحوم تائب تبریزی
.
دوشندی قبر حسین اوسته عابد نالان
ئورک غمین بو دلیله ایدردی شرح و بیان
.
.
شاه بیت:
:
ناخوشام قبرون بولوب خاک شفا گلدیم بابا
آختاروب ئوز دردیمه تاپدیم دوا گلدیم بابا
.
.
هر کیمه بو رسمدور عالمده غم اولسا نصیب
آختارار ئوز دردینی کشف ائتماقا یار و حبیب
منده دلخسته مریضم سن منه حاذق طبیب
مدفن پاکون بولوب دارالشفا گلدیم بابا
.
.
شکر لله ای بابا عمروم منه ائتدی وفا
ئولمدیم اولدی نصیبیم بومزار باصفا
ای مسیحایه وئرن دم بو مریضه وئر شفا
ناامید ائتمه سنی بولدوم رجا گلدیم بابا
.
.
من بابا بوردان گئدنده ناخوش و تبداریدیم
خسته حالیله اسیر فرقۀ اشراریدیم
بیله سانما بی دوا و بی غذا بیماریدیم
شربتیم اشک اولدی خون دل غذا گلدیم بابا
.
.
بو سفرده من بابا غمدن فراغت گورمدیم
دشمن بیشرمدن رحم و اعانت گورمدیم
گون قاباقینده قالوب بیر استراحت گورمدیم
سایه الطافووه دلده نوا گلدیم بابا
.
.
شام شومین یوللاریندا پیکریم تبداریدی
ساربانیم سنگدل بی رحم و بدکرداریدی
یول اوزاق گونلر قباقی ناقه بدرفتاریدی
جانه عریان ناقه اوسته برملا گلدیم بابا
.
.
همره ائتدیم بو سفرده اهل بیت بی کسی
اولدی قارداشی ئولن اوغلى ئولن هم ناله سی
آغلادی یوللاردا از بس قیزلارون باتدی سسی
یاندی سینم نالیه من بینوا گلدیم بابا
.
.
.
یاتدی اصغر سینون اوسته ای شه والاجناب
اللری قوینوندا شامه گئتدی بی چاره رباب
شامدن بو شیرخواره قبری اوسته دلکباب
گتدیم آغلار گوزلی بیر صودسوز آنا گلدیم بابا
.
.
هم مزار اولدی بو چولده مظهر طاها سنه
اولدی عریان ناقه اوسته همسفر لیلا منه
آغلاداردی آل طاهانی گلنده شیونه
گتدیم اونان نچّه ثکلا همصدا گلدیم بابا
.
.
نهر علقمده یاتوب سرلشکرون ای شاه دین
قبری اوسته اولمیوب ممکن گله ام البنین
مهربان عمم گلوب عبّاسه دوتسون اربعین
منده گتدیم الده بیر قانلو لوا گلدیم بابا
.
.
گرچه دفن ائتدیم سنون جسمون یر اوسته قویمادیم
جسمدن اما بابا حسرت لباسین سویمادیم
قبرون اوسته آغلادیم یورقون یارالی دویمادیم
ایمدی جبران ائتماقا من بینوا گلدیم بابا
.
.
اولدی سنسیز مهربان عمّم بلا همخانه سی
چوللره دوشدی آدین قویدی حسین دیوانه سی
ایمدی شمع قبریوین گلموش اولا پروانه سی
منده اولدوم عمه مه بیر رهنما گلدیم بابا
.
.
بو سنون قبروندی بیله صبریمى الدن آلوب
بو منم نار فراقون سینه مه آتش سالوب
قبردن دور گور خانم عمّم نه احواله قالوب
سرّی واردور دیلده من وا زینبا گلدیم بابا
.
.
یولدا طیّ ائتدی بی بیم مهر و وفانین یوللارین
ساربان لار قیزلارین دوتموشدی صاق و صوللارین
قیزلارا قمچی ووراندا حایل ائتدی قوللارین
قولدان عمّم من آلوب دلدن یارا گلدیم بابا
.
.
زادۀ مرجانه بیر گون کینه بنیاد ایلدی
قتلیمه بیر قان توکن جلادی ارشاد ایلدی
دؤزمدی عمّم منه مجلسده امداد ایلدی
مانع اولدی مرگدن اولدوم رها گلدیم بابا
.
.
اینجیدیم گرچه بابا دروازۀ ساعاتده
قویمادیم نقصان ولی اکمال تبلیغاتده
ایلدیم رسوا یزیدی مسجد شامانده
ثابت ائتدیم کیمدی لایق مقتدا گلدیم بابا
.
.
هامی بولدی من مسلمانم مسلمان اوغلیام
اهل قرآنم ئوزوم معنای قرآن اوغلیام
بیر امام اوغلی امامم شیر یزدان اوغلیام
ایلیوب احیای شرع مصطفا گلدیم بابا
.
.
گاه قالدیم دست بسته کوفۀ غمخانه ده
آشنای قید ظلم اولدوم ید بیگانه ده
گاه یاندیم گوشۀ زنداندا گه ویرانه ده
من گئدوب دین اوسته گور هاردان هارا گلدیم بابا
.
.
اذن رجعت اولدی تا منلن نچه یولداشیمه
دوشدی سنلن کربلانین شور عشقی باشیمه
خون دل قاتدیم یول اوستونده آخان گوز یاشیمه
گه دلیمده وا حسین گه کربلا گلدیم بابا
.
.
نچه مدتدور مصیبتله هم آغوش اولموشام
یاسلیام زلف رقیّن تک سیه پوش اولموشام
کربلا زوّارینه یوللاردا چاووش اولموشام
خسته زوّارون گتوردوم جابجا گلدیم بابا
.
.
قلبیمی تیر غمیله گرچه قیزلار دلدیلر
لیک غم یورقونلاری کامه چاتوب دینجلدیلر
قبرون اوسته دلشکسته حالی پوزقون گلدیلر
بیر رقیّه شامده اولدی جدا گلدیم بابا
.
.
بیزدن آیریلمازدی هرگز گر اولیدی چاره سی
باغریقان ائتدی ز بس شامانده دیل یاره سی
غصه مرگ اولدی او غربت کش وطن آواره سی
اوردا دفن اولدی او شیرین دیل بالا گلدیم بابا
.
.
عالمه نسگلدی غربتده وطن سیز قالماقی
بلبل شیدا کیمی باغ و چمن سیز قالماقی
داغ چکدی سینه مه سن تک کفن سیز قالماقی
صبریم اولدی اودلانان دلده فنا گلدیم بابا
.
.
گوشۀ ویرانه ده دفن اولدی اول شیرین سخن
قبری چوخ نسگل لی دوشدی ای یارالی بی کفن
حالینی احساس ائدر اول خرداجا قبرین گورن
آیریلاندا توکدوم اشک پربها گلدیم بابا
.
.
«تائب» اولموشدی یازاندا بو سوزی غم مونسی
وئردی دم بو سوز یازیلسون اولدی همدم «مونسی»
ایسته گلسون قبریوه «تائبله» با هم «مونسی»
سسله سون ئوز دردیمه تاپدیم دوا گلدیم بابا
.
.
#اربعین_تائب_تبریزی
#دوشندی_قبر_حسین_اوسته_عابد_نالان
#ناخوشام_قبرون_بولوب_خاک_شفا_گلدیم_بابا
#ترکی
.
✍️ #زبدةالاشعار ✍️
.
🆔: @nohe_torki
نظر دهید