کوچ از کربلا
.
✍️ #زبدةالاشعار ✍️
.
🆔: @nohe_torki
.
مرحوم دخیل
.
روز عاشورا شمربی دین بیر قطار دوه گتوروب خیمه لر برابرینه جناب زینب خاتونه عرض ایلدی:
///شمر ملعون///
علی عداوتینی ایندی آشکار ایدرم
برهنه ناقیه زینب سنی سوار ایدرم
.
چوخ استراحت ایدوبسن على جوارینده
سنی او راحت ایچون من بونوع خوار ایدرم
.
بو خوردا قزلاری من باغلارام طنابیله
نجفده حیدر کرّاری بیقرار ایدرم
.
دیمه علی قیزیام گچدی سن گورن گونلر
غم ایلمه گونوی شام مثلی تار ایدرم
.
///جواب زینب علیهاسلام///
.
دیمه یزیدون اساسینه افتخاریم وار
که غفلت ایلمه ظالم منیمده تاریم وار
.
بیزی اسیر ایلیوبسن یزید خاطرینه
منیمده دهریده اللهیلن قراریم وار
.
ذلیل بیلمه بیزی ئولدی هامی جوانلاریمز
بیر آهیلن یخارام عرشی اختیاریم وار
.
ولیک امر قضایه گرکدی صابر اولاق
دیمه ذلیل که غیبتده ذوالفقاریم وار
.
او باش که نیزه ده قرآن اوخور فصاحتله
گیدنده شامه اونون کیمی غمگساریم وار
.
گوزتلوری بیزی گور نیزه ده سر عبّاس
منمده بیر بیله غیرتلی نامداریم وار
.
ابن سعد بیحیا دیدی جماعت پیغمبر بالالارین ناقه لره سوارایلیون جناب زینب خاتون
دیدی: وَیلَکَ یَابنَ سَعد تَامرالشِّمر و أَصحابَه یَرکَبون أؤلأد رسول الله
.
چکیل کناره گرک اولاد پیغمبری اوزوم سوار ایلیم قوشون جماعتی کناره چکدیلر او خاتون معظّمه حضرتون حرملرین سوار ایلدی بعد از آن باجیلارینی و سایر اهلبیت اطهاری سوارایلدی
فَلمّا فَراغَت همّت اَن یَرکب فَلَم تمکن عَلى الرّکوب
ایستدی اوزیده سواراولا مبارک دیزلری تیتردی سوار اولا بیلمدی
.
ثُمَّ هَمَّت مَرَّةَ ثانی فَلَم تمکن
ایکیمجی دفعه ایستدی سواراولا ممکن اولمادی
.
فَصاحَت اِلى اَینَ ذَهَبوا عَنّا اَهلَ الهاشِمیَّةَ العَرَبیَّه اَینَ وَلدی علی ابن ابیطالب اِبنُ الفارِس
المَشارِق وَالمَغارِب
راوی دییر گوردوم او خاتون معظمه یوزون قتلگاهه دوتوب عرض ایلدی قارداش:
.
هارداسان ای همدم آرام جانیم یاحسین
گوز یاشیمدان لنگ اولوبدورکاروانیم یاحسین
.
ظلم الیله غارت اولدی خانمانی زینبون
شمر اولوب اکبر یرینه ساربانیم یاحسین
.
حکم ایله عبّاسه گلسون تا سوارایتسون منی
محرمیم یوخ محملیم یوخ مهربانیم یاحسین
.
یتیش هرایمه ای خیمه سی یانان قارداش
باجوی گل یولا سال کوچدی کاروان قارداش
.
قوری یراوسته حسین یاتماقا نه طالب سن
گون ایستیسی یول اوزاق یوخدی سایبان قارداش
.
ایاقه دورگلان ای شاه مشرقین قارداش
اسیر شامه گیدور زینبون حسین قارداش
.
خوشا او گونلره ای سید بنی هاشم
سنیله ساقیدی سگّیز وفالی قارداشیم
.
کمال عزّتیله ای شبیه پیغمبر
کجاوه مه یاپشوردی جوان علی اکبر
.
یوخومدی کیمسنه غربت آرا ذلیلم من
علی اکبری گوندر سنه دخیلم من
.
مقرّر ایله گله نور دیدۂ ناسی
یولوم اوزاقدی منه قوش وفالی عبّاسی
.
.
.
.
.
#کوچ_کربلا #دخیل
#علی_عداوتینی_ایندی_آشکار_ایدرم
#ترکی
.
✍️ #زبدةالاشعار ✍️
.
🆔: @nohe_torki
نظر دهید