نوحهٔ وداع حضرت علی اکبر(ع)از خواهرش
.
✍️ زبدة الاشعار ✍️
.
🆔: @nohe_torki
.
مرحوم میرزا عبدالوهاب حقیر خویی
سبک:الله گون باتدی…
.
چوخ ائتمه آه و افغان سکینه
یتدی زمان هجران سکینه
گئدورم حق یولوندا قانه باتام
شهادت عشقیله حقّه چاتام
.
.
اسدی ستمله بو گلستانه
باد مخالف دوندی خزانه
چرخ ستمگر دور زمانه
بو نوع قیلدی دوران سکینه
.
.
گل باخ دویونجا بو گُل جماله
ایله تماشا بو خطّ و خاله
سالدی منی بیر اؤزگه خیاله
شوق لقای جانان سکینه
.
.
منشی تقدیر لوح قضاده
نقش ایلیوبدی قالوا بلاده
تا حق یولوندا کوی وفاده
باشیم کسیلسون عطشان سکینه
.
.
یالقوز قالوبدور سبط پیمبر
نه بیر معینی نه یار و یاور
وقت اولدی جانین لب تشنه اکبر
وئرسون حسینه قربان سکینه
.
.
مندن سنه وار بیرجه وصیت
هرگز قضادن ائتمه شکایت
روز ازلدن عهد شهادت
باغلاندی محکم پیمان سکینه
.
.
سنده رضا وئر امر قضایه
صبر ایله باجی درد و بلایه
گورسن گچوبدور باشیم جدایه
ایله جداده جولان سکینه
.
.
صبر ایله گورسن بیچاره باجی
جسمیم دوشوبدور صد پاره باجی
عجز ائتمه هرگز اشراره باجی
گولسونله قوم عدوان سکینه
.
.
آهیله وورما جانه شراره
من که فراقه ای ماه پاره
راضی دگلدیم اما نه چاره
اولسون جهانی ویران سکینه
.
.
وئرمز نتیجه بو آه و زارین
بو آغلاماقین سن قوی قرارین
گر قتلگه دن دوشسه گذارین
گورسن منی سن عریان سکینه
.
.
هر قدر گلسن اوندا افغانه
حقون وار آغلا من نوجوانه
کس کاکلیمدن ساخلا نشانه
اؤز دردیوه تاپ درمان سکینه
.
.
گورسن کی جسمیم اولموش سراسر
آماج تیر و شمشیر و خنجر
نعشیم قالوبدی میداندا بی سر
غسل و کفن سیز عریان سکینه
.
.
گر اولسا زلفیم قانیله الوان
سن ائتمه یوزده زلفون پریشان
البته قیلما چاک گریبان
قیل ناله امّا پنهان سکینه
.
.
آل علیدن چشم شفاعت
واردور«حقیرین»روز قیامت
شغل مدامی نظم مصیبت
ائتمیش الینده عنوان سکینه
.
.
#اکبریه_حقیر_خویی
#اکبریه_شهادت
#چوخ_ائتمه_آه_و_افغان_سکینه
#ترکی
.
✍️ #زبدةالاشعار ✍️
.
🆔: @nohe_torki
نظر دهید