تشنه دردی ….
قابل منصوری نژاد (شفق اردبیلی)
ایستیرم کعبۀ دلده گئجه دلداری گؤرم
قویسا اقبالیم اگر جلوۀ داداری گؤرم
ای کونول اویما آیا عشوه سی قالماز سحره
گئت او مه پاره نی تاپ، اول مه طراری گؤروم
ایله ییب تئللرینی شرح ائله عطرین چمنه
هر سحر باد صبا پایلیا تکراری گؤروم
های هارای سال دوشه دلدار آدی هر انجمنه
اوج عزّتده اولان گوهر شهواری گؤروم
دام گیسوی نگاری دئنن آزاده لره
حلقۀ عشقینه باغلانمادا احراری گؤروم
تشنه لر دردینی بیلمز نه دی دریا دوداقی
آب حیوانی نهان ائتمه سنی تاری، گؤروم
یاندی عشقینده #شفق گؤیلری آغلاتدی بو غم
نه گناه اوسته گرک من بئله آزاری گؤروم؟
#مهدیه
#ایستیرم_کعبه_دلده_گئجه_دلداری_گؤرم
#شفق_اردبیلی
#ترکی
✍️ #زبدةالاشعار ✍️
?: @nohe_torki
نظر دهید