آچیلدی صبح عاشورا باتان القانه بسم الله #عاشورا_نادری

آچیلدی صبح عاشورا …
..
..
#سبک_علی_اصغر_مه_انور
(بیش از 7 سبک شامل سبک های
منیم ای تشنه قربانیم … حسین تعجیلیلن گئتمه … بزن بر سینه و بر سر … )
..
..
مرحوم قدرت اله نادری میانجی
..
..
..
آچیلدی صبح عاشورا
باتان القانه بسم الله
یانان یانسین قالان قالسین
گئدن میدانه بسم الله
..
..
..
آلوبدور دوره می اعدا
کمک یوخ یالقوزام الله
بو من بو روز عاشورا
نظر قیل یا رسول الله
اولون آماده ای یاران
جهاده فی سبیل الله
بو گون عشقون مناسینده
اولان قربانه بسم الله
..
..
..
حریم کعبۀ عشقی
طواف ائتمکده دور منصب
جوانلار باغلیوب احرام
آلا بو کعبه دن مطلب
گلوب ایندی کفن بیچسون
کفن دار آدلانان زینب
یتیشدی موقع هجران
گلن افغانه بسم الله
..
..
..
گل ای عباس نام آور
علینون نامدار اوغلی
گل ای قاسم گل ای اکبر
حسینون گل عذار اوغلی
هانی بس طفل شش ماهه
ربابین شیرخوار اوغلی
گله عون و گله جعفر
باتا القانه بسم الله
..
..
..
هانی اوّل کی منزلده
منه یول باغلیان سردار
گله حر دلاور تا
اولا من بیکسه غمخوار
حبیب ابن مظاهردور
حبیب احمد مختار
گله اول قاری قرآن
باخا قرآنه بسم الله
..
..
..
آچیلدی صبح عاشورا
بو گون طوفان اولان گوندور
نظام عالم امکان
داخی ویران اولان گوندور
منیم ئوز خیمه خرگاهیم
یانوب تالان اولان گوندور
حسین تک کیمدی باش وئرسون
بئله مردانه بسم الله
..
..
..
باتار آدی بو گون هر کس
جلال شوکت آختارسا
اولار فانی بو گون هر کیم
مقام و دولت آختارسا
تاپار عزت او کسلر که
منیم تک ذلت آختارسا
قدم قویسون بو میدانه
اولا فرزانه بسم الله
..
..
..
عزیز چشم زهرایه
وطن دشت بلا اولدی
حسینون قسمتی آخر
زمین کربلا اولدی
یتوب روز الست عهدی
همان قالو بلا اولدی
همان اول عالم ذرده
باخان پیمانه بسم الله
..
..
..
بو گون ظلم و جفائیلن
دولور پیمانه لر دولسون
پیمبر باغینین غمدن
سولور گر گوللری سولسون
حیالی قیزلاریم شمره
اسیر اولسا بو گون اولسون
رقیمله گئدیر هر کس
گئده ویرانه بسم الله
..
..
..
بو گون اول گوندی چوخ باشلار
بو چولده ذبح اولار عطشان
منای عشقده وئرم
بو گون یتمیش ایکی قربان
داغیلسین لاله لر گوللر
بلا دشتی اولا الوان
اولار خاموش دین شمعی
قالار پروانه بسم الله
..
..
..
دویونجا هر آنا اوغلون
باجی قارداشینی گورسون
گزوب هر یارو یولداشلار
تاپوب یولداشینی گورسون
وفالی شیعه لر هر ایل
آخان گوز یاشینی گورسون
داغیلدی گلشن زهرا
سولوب گلخانه بسم الله
..
..
..
گورورسن «نادری» هر ایل
اولاندا روز عاشورا
یاغار گویدن یره ماتم
دولار افغانیلن صحرا
قورا هر کس عزا بزمی
گل راول مجلسه زهرا
محقر بیر عزا بزمی
اولار شاهانه بسم الله
..
..
..
..
#عاشورا
#آچیلدی_صبح_عاشورا
#نادری
#ترکی
#زبدةالاشعار