ورود محرم – ورود به کربلا
–
زبدة الاشعار
?: @nohe_torki
–
حاج نادر بابائی
–
گییبدیر شیعه لر قاره
گینه ماهِ عزا گلدی
یتیشدی موسمِ ماتم
نوای نینوا گلدی
–
حسینین باشلانیب یاسی
بو آیدا شیعه لر آغلار
حسینیم وای دیین دیللر
جهانی غصه د‌ن داغلار
هامی پیر و جوان باهم
یوزه گوز یاشینی باغلار
بلی ماهِ محرّم دیر
هامی درده دوا گلدی
–
بو گونده مرکبِ سلطان
یتیشدی دشتِ مینایه
ائدیب معناده خوش گلدین
قضا دلبندِ زهرایه
بویوردی کاروان دورسون
باخوبدیر قانلی صحرایه
سورا امر ائتدی اخیامی
قورون حقدن ندا گلدی
–
باخیب دشت و بیابانه
یانیر مطلب سراقینده
صولوندا اکبری واردی
دوروب عبّاسی ساقینده
رقیّه ناقه اوستونده
علی اصغر قوجاقینده
بلکده بیر قوزی قربان
رهِ عشقه فدا گلدی
–
حسین باخدیقجا اطرافه
سولوبدی رنگِ رخساری
اولوبدی ناگران زینب
ائدیبدیر گوز یاشین جاری
دئدی قوربانووم قارداش
دئ اسرارین منه باری
ند‌ن اول صورتِ ماهه
بئله ابرِ جفا گلدی
–
بویوردی آغلاما زینب
شریکِ عهد و پیمانسان
صبور اول هر بلا گلسه
اوزون دریایِ ایمانسان
قالار بو چولده قارداشون
ولی سن بوردا مهمانسان
او گوند‌ن تلِّ زینبد‌ن
صدایِ وا اخا گلدی
–
سورا عرض ائتدی ای خالق
ال اوزدوم دارِ دنیادن
روادور کربلا دشتی
باش اولسون طور سینادن
منیم شش گوشه قبریمده
اوجالسین ناله یحیادن
دئسین وای قبرینه باشسیز
غریبِ کربلا گلدی
–
سنین عُشّاقووه یارب
بو چول باغِ مصفّادور
بو عون و جعفر و عبّاس
بو اکبر شبهِ طاهادور
بو کلثوم و رقیّم دیر
بو زینب دختِ زهرادور
بو صحرایِ بلاخیزه
غریب و آشنا گلدی
–
اولان بو کاروانیمده
متاعه افتخاریم وار
قمر طلعت گوزل سیما
منیم انصار و یاریم وار
بشیکده آلتی آیلیق بیر
علی تک شیرخواریم وار
اگر چه یوخ دلی امّا
دیله خیردا هما گلدی
–
#سبک_علی_اصغر_مه_انور
(بیش از 7 سبک شامل سبک های
منیم ای تشنه قربانیم … حسین تعجیلیلن گئتمه … بزن بر سینه و بر سر … )
–
#ورود_محرم
#ورود_کربلا
#گییبدیر_شیعه_لر_قاره
#نادربابایی
#ترکی
–
#زبدةالاشعار
?: @nohe_torki
: @nohe_torki . مرحوم تائب تبریزی . . ورون باشه گلون افغانه شیعه توکون گوز یاشوزی دامانه شیعه . سالون یاده حسینین کربلاسین ایدون اؤز سینه زی غمخانه شیعه بیشتر
نظر دهید