مدّاحون صوتی آل ویر اولسا اگر

پندیات
.
✍️ زبدة الاشعار ✍️

?: @nohe_torki
.
مرحوم تقایی اردبیلی
.
مدّاحون صوتی آل ویر اولسا اگر
بیر ایله دام داشی قیزیلدان اولار
من کیمی اولسا راد و آزاده
گل مثالی بش آلتی گونده سولار

.
من وطنده غریب لر مثلی
زندگی ایلدیم بو الّی ایلی
دئمه دیم قارقیا هزاره دی بو
وار بونون خوش سسی گوزل کَکیلی

.
دئمه دیم مَفرَغه قیزیل دی قیزیل
دئمه دیم هر داشا بو یاقوتدی
کیمین عیبین دئدیم کوسوب گئتدی
منی آتدی بیر آیریسین دوتدی

.
چون حسین سفره سینده دوز داددیم
بیر عومور گونده امتحان وئردیم
عاشق اولدوم او حقّون عاشقینه
عشق پاکه وفا نشان وئردیم

.
ساتمادیم عشقیمی طلایه بلی
تَلَه بیلدیم طلانی بو یولدا
منده ساتسِیدیم عشقی سیم و زره
چوخ مریدیم واریدی ساق صولدا

.
شکر لِله اوزوم مرید اولدوم
حضرت خاتَمون سلاله سینه
تیکان اولسامدا سارماشیق گولی تک
من دولاشدیم بتول لاله سینه

.
بو حسینون گوزل آدیلا بلی
دهریده شأن و منزلت تاپدیم
آختاروب آستان مولادن
گوهر عشق و معرفت تاپدیم

.
نوکر اولدوم گوزل رقیّه سینه
صوتیمون چشمه سی آشوب داشدی
پاک آدینی من دیین گوندن
خدمته تکلیفیم آغیرلاشدی
ـــ
(1) ((شاعرون شعری آل وئر اولسا اگر))

.
#پندیات
#شاعر #مداح #هیئت
#مداحون_صوتی_آل_ویر_اولسا_اگر
#تقایی_اردبیلی
#ترکی
.
✍️ #زبدةالاشعار ✍️
?: @nohe_torki