یا مهدی
–
✍️زبدة الاشعار✍️
?: @nohe_torki
–
محمد هدایتی تبریزی
–
شراب حسن نگاریم منی خراب ایلدی
ئورکده ولوله خلق ایتدی انقلاب ایلدی
–
جمالی جمله گوزل لردن عالی ، باش حسنی
نه حسن ، عشق اودونا عالمی کباب ایلدی
–
چکیب کمان قاشنی تیر کپرگین آتدی
منی شکار ئوزونه گوئیا حساب ایلدی
–
کمند زلفونه دوشدوم اسیر عشق اولدوم
او دم کی زلفونه یئل دَیدی پیچ و تاب ایلدی
–
گوزونده وار نه ملاحت کی بیر باخشدا منی
شکار ایدیب ، ئوزونی مست و کامیاب ایلدی
–
دیدیم کی باخ منه بیر نازلی گوزلرین قربان
دولاندیریب گوزونی بیر باخیب ثواب ایلدی
–
دیدیم تصدّیقینم باشوه دوروم دولانیم
بو سوزده عشوه گلیب باخدی بیر عتاب ایلدی
–
چتندی عاشقه معشوقدن عتاب ، ئولدوم
یانان ئورک دؤیونوب داشدی اضطراب ایلدی
–
دیدیم گناهمی عفو ایله اینجدین مندن؟
دولاندی گویلومی آلدیی ، منی خطاب ایلدی
–
بویوردی عاشق و معشوق اصلده بیردی
گولون چکیده سنی عشق آلیب گلاب ایلدی
–
فراقه باعث اولان عجب دور ، منیّت دور
او کس کی من دیدی ئوز باشنه تراب ایلدی
–
(هدایتین ) سوزونه ویردی سوزلریله صفا
بو شعرینی ئوزی یازدردی شعر ناب ایلدی
–
#مهدیه
#شراب_حسن_نگاریم_منی_خراب_ایلدی
#هدایت_تبریزی
#ترکی
–
✍️ #زبدةالاشعار ✍️
?: @nohe_torki
نظر دهید