وداع ماه مبارک رمضان
.
.
حاج علی اشرفی
.
.
آیریلیق صحبتین سالور رمضان
هله یئیز دویماموشدوخ هئچ اوندان
.
گیتمه لی دیر قالانمادی گیتدی
باغلادی باری نازنین مهمان
.
برکتلی دی سفره سین بوکدی
حافظون تانری اولسین ای رمضان
.
الوداع ای بوتون عبادت آیی
ای عبادت حساب ائدن یوخودان
.
آیه لردن بوجور اولور معلوم
سن ده نازل اولوبدی بو قرآن
.
اللاهین مهری بو دوداقلاردا
نفسه دوستاق قولایلیقا زندان
.
خیری مین آی برابری شب قدر
سنده دور فیض توبه وغفران
.
روح هم ده ملک لره او گئجه
یئره یئنماقه حق وئرور فرمان
.
دیل لرینده تحیّتیله سلام
یئر ده دیر جمله گوز آچینجاخ دان
.
بیر بئله عزّته او باعث دیر
یئر گویون زینتی امام زمان
.
بیرده درک ائیتماقا بوآلله آیین
قادرآلله وئریدی بیر امکان
.
بارالها بو ائیل قوناقلیق آیی
اولموشوق بیز باغیشلانانلاردان؟
.
آیریلیق صحبتی ئورک کدری
یادیمه سالدی بیر بئله عنوان
.
زار زار آغلیوردی بیر بلبل
قورتولاندا بهار اولاندا خزان
.
گله جاخ بیرده چوخ داریخما دئدیم
گویَرَر بیرده گُل لَنَر بستان
.
باشیوی بیر دولاندیریب گوره سن
هر طرف گُل دیر هر بستان
.
دئدی دوز دیر سوزین قبول ائدیره م
کی دولانماق دادیر ائله دوران
.
چیخا جاق دیر دوباره حتما گل
خبریم یوخدی بیر فقط بوردان
.
من اولام یاکی اولمیام هیهات
سسیم اوندا گلر منیم هاردان
.
گئچه ن ایل گور نقدری تای توشوموز
اوخودی کُلُّ مَن عَلَیها فان
.
یارادان بیر قالار یارانمیشلار
آللها بوشلی دیر هره بیر جان
.
چاره سیز دیر بو آیریلیق دردی
بونا لقمان دا تاپمیوب درمان
.
هارا گئتدی عزیز همسایه ن
نه اولوبلار آتان یا کی آنان
.
نقدر پوللی گور فقیر اولدی
نقدر کاخ لر اولوب ویران
.
بولدی وارث نقدری ملک لری
نقدر گور توکولدی ناحق قان
.
یالان آند ایچدی دوتوقی اوروجا
کیمه قویدی قالوب یوزه یوزآلان
.
«اشرفی» فرصتی غنیمت بیل
نیه کی یوخدی عمره اطمینان
.
رحمة الله علیه شیخ اجل
سنه بو شعرده ائدوب احسان
.
#رمضانیه_وداع #رمضانیه #آیریلیق_صحبتین_سالور_رمضان #علی_اشرفی #ترکی #زبدةالاشعار
#زبدةالاشعار 
: @nohe_torki . حاج رضا محمدی(ولایی) . الا ای گل باغ زهرا جگر گوشه آل طاها بیا مردم از این جدایی ایا صاحب دین کجایی . بیاای….امیدمستمندان بیاای….به دردشیعه درمانبیشتر
نظر دهید