الهی دوقّوز امامون آتاسی حرمتینه #مناجات_منعم_اردبیلی

مناجات
دعای اختتامیه مجالس
.
.
مرحوم منعم اردبیلی
.
.
الهی دوقّوز امامون آتاسی حرمتینه
سنون یولوندا او سایسیز یاراسی حرمتینه
.
او وقت حرمتینه یاندی دل دوداق قورودی
چوخور یره یخیلاندا اجل تری بؤرودی
.
او وقته رحم ائله یا ربّی سینه میز قالخار
اجل تری سارالان رنگه آلنیمیزدان آخار
.
او وقته رحم ائله یا ربّی قلبیمیز چوبالار
دولاندیرولّا بدن یرده رو به قبله قالار
.
او وقته رحم ائله سن یا رحیم یا الله
دییَک که اَشهَدُ اَن لا اِلهَ اِلَّا الله
.
او وقته رحم ائله یا ربّی حالیمیز قاریشار
جان ایستیور چخا چخماز بدن دوروب چالیشار
.
او وقته رحم ائله یا ربّی دیل آغزدا یانار
ایاق سووَر ایکی گوز باغلانوب نفس دایانار
.
او وقته رحم ائله ایودن کنار ائدلَّه بیزی
قویالّا مغسلون اوسته سویالا نعشیمیزی
.
او وقته رحم ائله الله بدن کفن بورونور
بدنله یوخدی ایشیم روحیچون نلر گورونور
.
او وقته رحم ائله الله به حق آیۀ نور
چکر حسابه بیزی رشوه آلمیان مأمور
.
او وقته رحم ائله الله قویولدی قبره بدن
او وقته رحم ائله الله آچیلدی بند کفن
.
او وقته رحم ائله یا ربّی باغلانوب گوزومیز
قویولدی تُپراقا تُپراقه دگمین یوزومیز
.
سنی قسم وئرورم بی کفن قالان بدنه
نصیب ائله بو قرا کوینگیم کفندی منه
.
نولا دونوب باخاسان «منعمه» ئولنده حسین جان
سویوق تری اجلون آلنیما گلنده حسین جان
.
#دعای_اختتامیه
#الهی_دوقوز_امامون_آتاسی_حرمتینه
#ترکی
.
✍️ #زبدةالاشعار ✍️
.
🆔: @nohe_torki