بو گلدی پرپر اولوب یا نه ماجرادی على #اکبریه_خوندل_تبریزی

زبانحال حضرت لیلا در بالین حضرت علی اکبر (ع)
.
.
مرحوم حاج حیدر خوندل
.
.
بو گلدی پرپر اولوب یا نه ماجرادی على
بدندی یا بیله باشدان باشا یارادی على
.
بو گلستانه که گلّر ورق ورق داغلوب
منای عشقدی، یا دشت کربلادی علسی
.
بوقانلی چول که یارالی جنازه لر توکلوب
خلیل عزّته قربانگه منادی علی
.
قزل گلیله دولان قانلو نعشوین چمنین
گورن دیر بو گلستان نه باصفادی علی
.
نه بیر گله باخارام نه یوزوم گولر بیرده
محبّت اهلینه بو شیوۀ وفادی علی
.
آنان غریبدی قلبی سنقدی ناز ایلمه
اگر چه ناز نقدر ایلسن بجادی علی
.
دانش دئ درد دلون فرض قیلما بیگانه
آناندی درد دله یاخشی آشنادی علی
.
دیدیم اگر آنا لفظی اوغول بغیشله منی
کنیزووم دیمه لیلا منه آنادی علی
.
اگر گوزوم یاشی ویرسه امان یوزون گورّم
هزار حیف بو واهی بیر ادّعادی علی
.
نقدر وار نفسیم بیرده گوز یاشیم قوروماز
اگر ئولونجه سنه آغلاسام سزادی علی
.
قوری یر اوستی سنه حجلۀ زفاف اولسا
الونده قرمزی قان لخته سی حنادی علی
.
گوروم سنیدی کمانی خطا اوخی آقانون
بیلوب ثواب خیال ایتمیوب خطادی علی
.
قوروب خطائیله بیر دام رحمسیز صیاد
بو فکریله که گلن آهوی ختادی علی
.
سالوب کمنده شکاره باخوب کمنده دوشوب
گوروب که صید اوزی صیّاد دلربادی علی
.
مگر سسیم سنه نا آشنادی ناز ایلوسن
اگر چه عاشقه ناز ایلماق روادی علی
.
بو درد دلدی اوغول شکوه یا گلایه دگل
آنان شهادتیوه قلبیدن رضادی علی
.
باشوندا کی یارا شقّ القمر علامتیدی
و یا که آینۀ فرق مرتضادی علی
.
.
#اکبریه #خوندل_تبریزی #اکبریه_شهادت #ترکی #زبدةالاشعار