اون اوچ یاشیندا قاسم ذکر خدا دیلینده #قاسمیه_رسول_بابایی

عزم میدان حضرت قاسم (ع)
.
.
رسول بابائی( شاهد زنجانی )
.
.
اون اوچ یاشیندا قاسم ذکر خدا دیلینده
ایستور گئده جهاده یامرتضی دیلینده
.
.
اذن آلدی جنگه گئتسون قارداش بالاسی قاسم
آغلاتدی اهلبیتی غم آشناسی قاسم
آماده اولدی دینون اولسون فداسی قاسم
اوخشاردی اکبر آدین غملی نوا دیلینده
.
.
باسدی قوجاقه ناگه سالار مرد میدان
فرمایش ائتدی اوغلوم ای مجتبایه ریحان
گئتمه حرم غزالی ای جان نثار قرآن
بالدان شیرین بو ئولمک ایلور ادا دیلینده
.
.
آیریلدی خیمه لردن اول مجتبا مارالی
ئوپدی یوزون اومولا دیلدن اولوب یارالی
ایلوب وداع حرمدن ائلدن دوشوب آرالی
یول سالدی رزمگاهه یا مجتبا دیلینده
.
.
تلی آشاندا گوردی لشکردی دسته دسته
نفرین ائدیب ئورکدن عمال بت پرسته
دنیانی باشدان آتدی فکر ایلیوب السته
حمله ائدیب او قومه یا ربنا دیلینده
.
.
صوتیله سسلنوبدی جانیم حسینه قربان
یر گوی دیور مکرر دنیا حسینه قربان
بیر آشناده سسلور زهرا حسینه قربان
اول نوجوان زیبا واردور فدا دیلینده
.
.
بیر جنگ ائدیبدی قاسم دشمن فغانه گلدی
لرزه سالوب او دشته ازرقده جانه گلدی
سسلندی یا محمد شیرین بیانه گلدی
لشکر نقدری اولسا یوخ آه و وا دیلینده
.
.
شمشیرینی ورور هی باشلار هواده اوینور
قزلاره سو یتورمک دشمن جفاسی قویمور
بیلمم ندور بو لشکر ذلت لباسی سویمور
درس آلدی مکتبیندن یوخدور خطا دیلینده
.
.
تکبیر قوزانوبدی اول غنجه لبلروندن
احسن سسی اوجالدی مخیمده سوزلروندن
باش سیندی وا علیا قان آخدی گوزلروندن
باخدی خیامه ناگه واحسرتا دیلینده
.
.
دوشدی ترابه بیردن آغلاتدی ماسوانی
سسلندی ای عمو جان گل گور بو ماجرانی
خرد اولدی استخوانیم قوی یاره مه دوانی
بو نوعیلن هرایه ایلور ندا دیلینده
.
.
بو نوحه نی یازاندا شاهد اولوبدی گریان
قاسم آدین دینده دیلدن اولوبدی نالان
یازما قلم اماندی اولدی ئورک پریشان
ماه محرمونده ساخلار عزا دیلینده
.
.
.
#قاسمیه #رسول_بابایی #قاسمیه_شهادت #ترکی #زبدةالاشعار