ای ویرن ویرانه یرده جان سکینم دور گیدک #کوچ_شام_مضطر_اردبیلی

کوچ از شام
زبانحال حضرت زینب (س)
خطاب به دختر خردسال حضرت اباعبدالله (ع)
..
..
مرحوم مضطر اردبیلی
..
..
ای وئرن ویرانه یرده جان سکینم دور گیدک (1)
قبروه زینب بیبون قربان سکینم دور گیدک
..
..
جور أعدادن قوتاردون یاتما شیرین دل قیزیم
گوشه ی ویرانه ایچره ایلمه منزل قیزیم
منزلون نسگل سؤزون نسگل اوزون نسگل قیزیم
باش مزاروندن گوتور دیلّن سکینم دور گیدک
..
..
قورخما آساندور او گلمکدن بو گیتمکلیک یولون
قوللاری باغلی گلوبسن بیرده باغلانماز قولون
تازیانیله گوگرتمز شمر دون ساق و صولون
دویدولار هر ظلمیدن عدوان سکینم دور گیدک
..
..
هئچ دانیشمورسان منیمله یوخسا دلدن دوشموسن
بلبلیم نولدی بئله شوق چمندن دوشموسن
طالب غربت اولوب عشق وطندن دوشموسن
یوللانور بس کاروان الآن سکینم دور گیدک
..
..
دور بیبیون قربان اگر چه شمردن قورخوب گوزون
دردیوی قبر حسینه دور گئدک شرح ائت اوزون
گر گئدوب ملک وطنده سؤیله سون نسگل سوزون
بیل اولور ملک وطن ویران سکینم دور گیدک
..
..
ال چکنمز بو بیبون سندن ز بس دلگرم اولوب
ظلملردن سیر شمر و خولی بی شرم اولوب
داش اولان قلب یزید بیحیانون نرم اولوب
یثربه یوللار بیزی گریان سکینم دور گیدک
..
..
ای منیم یول یولداشیم اولماز سنی بیز ترک ائدک
حالووی صغرایه ناخوشدور چتین شرح ایلیک
کربلادن شامه دین بیر گلموشوک دور بیر گیدک
اولما بیزدن بیله روگردان سکینم دور گیدک
..
..
(1) بجای سکینه ، رقیّه هم خوانده میشود.
..
..
#کوچ_شام #مضطر_اردبیلی #ترکی #زبدةالاشعار