زبانحال حضرت سیدالشهداء(ع) به حضرت زینب (س)
در شهادت حضرت علی اکبر(ع)
..
..
مرحوم صابر تبریزی
..
..
گل گتوردوم من شبیه حسن طاهانی باجی
گیت گتور سنده بلا مجنونی لیلانی باجی
..
..
ای بو غم صحراسینون حیران و سرگردانی گل
هم اوزون گل هم گتور بی خانمان لیلانی گل
سیل اشکیم آز قالور ویران ایده دنیای گل
آه و نالم دولدوروب بو دشت و صحرانی باجی
..
..
اوزلیقیمدان چیخمیشام گل گور که نه حالتدیم
واله و مبهوت و حیران وادی حیرتدیم
سندن اوزگه بیر کسیم یوخدور اونا محنت دیم
تیز منی درک ایت سنی زهرا آنام جانی باجی
..
..
ایلیوب اوخلار مزیّن سروه بنزر قدّینی
گوز یاشیمدان زخمینون آنلار دل اهلی حدّینی
جان ویروب أحیا ایدوب قانون شرع جدّینی
یازدیروب هر عضوینه بیر جزو قرآنی باجی
..
..
من گتوردوم بیر طبق گل گلستان عشقیدن
سن گتور بیر دسته بلبل بوستان عشقیدن
باشلاسونلار شور و شیون داستان عشقیدن
بیر دیلیله هر بیری اولسون نواخوانی باجی
..
..
دی سکینمده گلوب گورسون بوسولموش رنگینی
نینوایه شوریله سالسون نوا آهنگینی
بیر بیر آهسته سویوندورسون لباس جنگینی
اینجیدیر جانین بدنده خشگ اولان قانی باجی
..
..
ایلسون لیلا یاراسی اوسته گیسوسین پرند
زلف مشگین فامیله ایتسون یاراسین خشگ بند
خشگبند اولماز اگر چه دوغریوبلار بند بند
ظلمیله باشدان ایاقه بو لب عطشانی باجی
..
..
نازنین جسمی قزیل گل برگی تک خندان اولوب
خیمیه حمل ایلماق نعشین دیمه آسان اولوب
من نجه گلدیم نجه گتدیم بولن فتیان اولوب
چون اولار حمل ایتدیلر بو قانه غلطانی باجی
..
..
دوغرانان اعضاسی مندن ایتدی سلب اختیار
مدّ چشمیمده ایشیق گون اولدی مثل لیل تار
من امامم ظاهر اولدی منده حال احتضار
وای او ساعتدن گوره لیلا بو اعضانی باجی
..
..
اوندا که آتدان یخیلدی خیمیه گلدی سسی
سن اوزون گوردون منی نحاله سالدى ناله سی
ایله بیر حالیله گوردوم بو جوان نورسی
آغلادیم آغلاتدی حالیم قوم عدوانی باجی
..
..
وار یری بو غمده قاتسان خون دل گوز یاشیوه
آغلاسان اکبر کیمی اوغلى ئولن قارداشیوه
هر قدر وار اوغلی قارداشی ئولن یغ باشیوه
گیت گتور بیر دسته ثکائیله لیلانی باجی
..
..
ایلیوب بیله وصیت صون نفسده اکبریم
ویر تسلّی صبر قیلسون مادر غم پروریم
بیر آنا آیا دوزر ای داغدیده خواهریم؟
گور حقیقتده بو امرین واردی امکانی باجی
..
..
بیر وصیتده ایدوب بو مظهر خیر الأنام
من یاتان یرده ایاقیم آلتینی ایتسون مقام
تا جهان وار قبریمون زوّاری گورسونلر تمام
منده مظلومیّتین قالموبدی نقصانی باجی
..
..
من آنام باجی اؤزوم بو صبر و استعدادیله
نعشینی گورجک اوجالدی شیونیم فریادیله
یدّی دفعه سسلدیم ایوای اوغول وای دادیله
گور سالور نه حاله بو غم امّ لیلانی باجی
..
..
اهل کینه کینۀ دیرینه سین ایتدی بروز
مظهر پیغمبری ئولدوردی بو چولده سوسوز
باش یاراسیندان آخور سو تک قزلقانی هنوز
گوسترور بو حالی حال شاه مردانی باجی
..
..
بو کلامیمده سنه توضیح قیلّام مطلبی
اکبرین اولموش ندن صد پاره جسم اطیبی
باشینون قانی آخوب دوتموشدی چشم مرکبی
قلب لشگرده دولاندیرمیشدی هر یانی باجی
..
..
«صابرا» بو نوحه ده «شأنی» سنه ایتدی کمک
گر قبول اولسا اولور البته اجروز مشترک
گوئیا بیله دیدی اول قطب افلاک و سمک
گل گتوردوم من شبیه حسن طاهانی باجی
..
..
..
#اکبریه #صابر_تبریزی #اکبریه_شهادت #ترکی #زبدةالاشعار
نظر دهید