انصافدور جهان ائله بی اعتبار اولا #فاطمیه_حزین_خسروشاهی

#انصافدور …
..
..
مرحوم حزین خسروشاهی
..
..
انصافدور جهان ائله بی اعتبار اولا
دائم ولایت اهلی بلایه دچار اولا
..
انصافدور که بلبل شیدا یرى قفس
زاغ و زغن یری چمن و لاله زار اولا
..
انصافدور که شیر اولا روباهه دستگیر
یا شاهباز کرکس الینده شکار اولا
..
انصافدور که شرعده بدعت قویانلارین
هردم الینده فرصت اولا اقتدار اولا
..
انصافدور پیمبر رحمت گیدن کیمی
تحریف حکم حضرت پروردگار اولا
..
انصافدور که غصب خلافت ائدنلره
هر دورده بو دور زمان سازگار اولا
..
انصافدور که خانه نشین میر مؤمنین
اهل ریا مراده یته کامکار اولا
..
انصافدور على ولینون ولایتی
انکار اولا، که گور بئله بیر ایش اولار اولا
..
انصافدور دِینمیه حق سؤزلرین علی
حقینده لیک چوخلی یالان انتشار اولا
..
انصافدور که عالمه جاهل جری دوشه
عالم صلاح حقه گوره بردبار اولا
..
انصافدور که باغلى قالا حق دین دیلی
باطل لرین اوز ایستدیقی روزگار اولا
..
انصافدور که آزدیرالار امّتین یولون
بیر یول که گون کیمی هامویا آشکار اولا
..
انصافدور علی قاپوسی باغلانا بو ایش
بیر عدّه جاهله سبب اشتهار اولا
..
انصافدور یانا ملک اذن ایستین قاپی
نور اهلنه جسارت ائدن اهل نار اولا
..
انصافدور على قولونی باغلیه عدو
زهرا گله کمک لیقا دنیایه عار اولا
..
انصافدور که قویمیه لر اوز آتاسینا
زهرا ائوینده نوحه ائده سوگوار اولا
..
انصافدور که ام ابیها مخاطبی
آیا دفاع حقّه گوره زخمدار اولا
..
انصافدور شهیده گیده قبره فاطمه
گیزلین گنجیله دفن اولا ایتگین مزار اولا
..
انصافدور او عزّت و شأن و مقامله
مؤمنلرین امیری غریب دیار اولا
..
انصافدور عوالمه حلال مشکلات
دریای غمده غرق اولا بی غمگسار اولا
..
انصافدور على قوییه دردینی دیه
تا وار جهان خجل فلک کجمدار اولا
..
انصافدور علی کیمی مرد عمل غریب
اهل عناد اسب مراده سوار اولا
..
انصافدور امام حسن جور دهردن
مسموم زهر طایفۀ کین شعار اولا
..
انصافدور خرابه قالا قبر مجتبی
گونلر ائوینده پوششی گرد و غبار اولا
..
انصافدور حسینیون ایشی بیریره یته
تیره نشان الینده سوسوز شیر خوار اولا
..
انصافدور که زینب اولا دشمنه اسیر
شامه حریم عصمتله رهسپار اولا
..
انصافدور که عترت سلطان کائنات
ویرانسراده مسکن ائده دلفکار اولا
..
انصافدور خلیفۀ اسلام اولا یزید
اسلامیان قیامته دین شرمسار اولا
..
انصافدور که سید سجّاد بستری
توپراقلار اوستی ظلمه لیل و نهار اولا
..
انصافدور که باغلی قالا کربلا یولی
حسرت اودوندا قلب «حزین» داغدار اولا
..
#فاطمیه #حزین_خسروشاهی #فاطمیه_شهادت #ترکی #زبدةالاشعار