چاتوب عشقین قطاری کربلایه #ورود_کربلا_اخگر_مراغه_ای

ورود به کربلا
..
..
..
..
اخگر مراغه ای
..
..
..
..
چاتوب عشقین قطاری کربلایه
الهی فدیه لر گلدی منایه
..
..
..
..
اولار که عهد ائدیب ذر عالمینده
وئره جان تیغ عریانلار دمینده
حسینون قتلگاه اعظمینده
بلی کیم سویلیوب قالو بلایه
..
..
..
..
گلوبلر آشنالر بو دیاره
قویولسون قانلی باشلار کوی یاره
چکیلسون فاطمه عیساسی داره
یر آغلار قان، گلر گویلر نوایه
..
..
..
..
وئرر جان یوسف زهرا بو چولده
اولار دین مکتبی احیا بو چولده
سیزیلدار قوم دولان اعضاء بو چولده
آچار دل یاره لی لبلر دعایه
..
..
..
..
بلاجویان دشت استقامت
ائد للر روز عاشورا قیامت
گلینجه مهدی زهرا سلامت
چاتا تا شیعه لر لطف خدایه
..
..
..
..
بو یردور قبله گاه حق پرستان
قالار باشسیز بو یرده جمله مستان
دوشر القان ایچینده چیره دستان
آچار لاهوتیان یول بو سرایه
..
..
..
..
بو چولده جان تاپار خط شهادت
وئرر قان روح انسانه طهارت
ملائک توپراقین ایلر زیارت
گلر آزاده وجدانلار نوایه
..
..
..
..
اولار که قان وئره ائتموش اراده
رضایت گورسدیلّر فوق العاده
حسینون عشقی دور اهل ولاده
گل ای جان باخ بو گلشنده صفایه
..
..
..
..
بو یرده قلب لر اولماز محن سیز
وطن دور هر غریب اولسا وطن سیز
قالار نعشیم بیاباندا کفن سیز
باتار ارکان عالملر عزایه
..
..
..
..
بو یرده قورخاجاق نازلی اوشاقلار
اسر یاپراق کیمی قورخان دوداقلار
یانار سیلی تنورینده یاناقلار
اثر گؤز یاشی قویماز اشقیایه
..
..
..
..
منه آغلار بو چولده آشنالر
نوا ایلر غمیمده بی نوالر
اجابت تئز اولار بوردا دعالر
وئرر یوز ناله و غم آشنایه
..
..
..
..
گرک اسلام اولا احیا قانیمدان
اوجالسون نام عاشورا قانیمدان
اویانسون یوخلیان دنیا قانیمدان
شریعت دوشمیه راه خطایه
..
..
..
..
بو چولده یوز وئرن غوغا منیم دور
قیام سرخ عاشورا منیم دور
حدیث عشقیده امضاء منیم دور
چاتا عشقین مقامی انتهایه
..
..
..
..
ائده هر مرغ دل بو دشته پرواز
اولار عشّاقلن بیر عمر دمساز
ائدر زواریمی عباس پیشواز
علاقه گورسدر اهل وفایه
..
..
..
..
غمیمده باش اوجالدان داغلار آغلار
قاپیمدا «اخگریم» نی تک سیزیلدار
قالار بو سؤزلری دنیاده آثار
چاتار چون عاقبت انسان فنایه
..
..
..
..