زبدةالاشعار

کربلا آچ سینووی لب تشنه قربانلار گلور #ورود_کربلا_تقایی_اردبیلی

ورود کربلا
..
..
مرحوم تقایی اردبیلی


کربلا آچ سینووی لب تشنه قربانلار گلور
یثربی ترک ایلیوبدورغملی مهمانلار گلور


آز قالور تیره ترابون کیمیا اولسون سنون
آز قالور عطر گُل یاسیله دولسون گلشنون
لاله لر آز قالدی گل لَنسونله، سولسون سوسنون
چون سنه مهمان اولا سرو گلستانلار گلور


شه سنی ایلر مکان یتمیش ایکی قربانیله
تپراقوندا گُل بیتر سیراب اولارسان قانیله
عالمه مشهور اولارسان سن قزیل ایوانیله
اول پذیرا بانیان طاق و ایوانلار گلور


چارسوق مصر عشق ایلر سنی سلطان دین
بو مکاندا گل ساتار شاه گلستان آفرین
مشتری دور گللره البته ربّ العالمین
ظاهراً جانلار ولی باطنده جانانلار گلور


سنده بر پا ایلیور پیر مغان بیر میکده
بادۀ عشقی ایچوب مستان اولارلار می زده
مست اولار بیر آندا گل ده باغباندا غنچه ده
پیر اولا حتّی سنه طفل دبستانلار گلور


آز قالور سنده قیامت باشلانا قانلار داشا
آز قالور تأثیر ائده بوردا نوالر داغ داشا
هر آنا اوغلیلا، هر باجی قوشولموش قارداشا
مو پریشان دیده گریانلار، پریشانلار گلور


آز قالور گون سنده تاپسون بیرجه حال اغتراب
آز قالور محنت لروندن ثبت اولونسون مین کتاب
شمره آز قالدی اسیر اولسون حریم بو تراب
دام غمده ال ایاق چالماقه جیرانلار گلور


سن منای عاشقان بی ریا سن کربلا
یعنی قربانگاه ائدر تپراقووی میر هدی
واردور علّت شیعه لر قاره گیوب ایلر نوا
جوشه عاشورا گونی رگلرده کی قانلار گلور


سنده نوحه نوح ائدر یاندیم بالا طاها دیر
باش آچار یعنی حسینیم وای خانم زهرا دیر
تلّون اوسته قارداشیم وای زینب علیا دیر
نینوا ایلر نوا عرش اوستن افغانلار گلور


سنده لیلانون جوانی قانینه غلطان اولار
سنده بیر نو کدخدا ئوز دینینه قربان اولار
سنده باشسیزدینه قربان شاه مظلومان اولار
سنده باشه ظهر عاشورا ده پیمانلار گلور


کربلا بیر گون اولار بو توپراقون خاک شفا
دردینه هر چاره سیز شیعه آلار سندن دوا
هی دیرعاشقلرون آی کربلا آی کربلا
تا سنی قیلسون زیارت دیده گریانلار گلور



#ورود_کربلا
#کربلا_آچ_سینووی_لب_تشنه_قربانلار_گلور
#تقایی_اردبیلی
#ترکی
#زبدةالاشعار

متن پیشنهادی:  تاپمادیم دردیمه عالمده دوا یازهرا #فاطمیه_زعفرآزادمهر

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی