چون اهل بیت شاه شهیدان خرابه ده #حضرت_رقیه_سعدی_زمان

حالات خرابه شام
شهادت حضرت رقیّه (س)
..
..
..
مرحوم حسینی سعدی زمان
..
..
..
چون اهل بیت شاه شهیدان خرابه ده
ایتدی نزول با دل سوزان خرابه ده
..
سوره به سوره آیه به آیه داغیلدیلار
اطفال بی پناه چو قرآن خرابه ده
..
بیر گوشه ده بیری یخیلوب گلدی نالیه
یکسر چو عندلیب نواخوان خرابه ده
..
خردا اوشاقلارین بیری چوخ آغلیوب یاتوب
تا استراحت ایلیه بیر آن خرابه ده
..
گوردی گلوب خرابیه سلطان کربلا
چوخ لطف ایدوب اونا شه عطشان خرابه ده
..
بیدار اولوب دیدی که دورون یانیمه گلون
اولموشدی شاه دین منه مهمان خرابه ده
..
آلمیشدی ایمدی جان کیمی آغوشینه منی
ویرمیشدی مرده جسمینه مین جان خرابه ده
..
سیلی یرین یوزومده ویرردیم اونا نشان
غمدن گویول دیردیم اولوب قان خرابه ده
..
فریاده گلدی بسکه او خاتون خرابه ده
باتدی غم و ملاله اسیران خرابه ده
..
ناله سسی یزیده یتوب اول ستم شعار
سویلوب نه سس دی اوج ایدور هر آن خرابه ده
..
عرض ایتدیلر رقیّه دور ایستور آتاسینی
آغلار همان عزیزۀ دوران خرابه ده
..
حکم ایلدی گلون آپارون شاه دین باشون
اولسون او طفل دردینه درمان خرابه ده
..
ویرانه گنجینه گتوروبلر حسین باشون
ایتدى تجلّى اول مه تابان خرابه ده
..
باخدی بالا آتا باشنا گوز یاشی توکوب
ئوز زلفی تک اولوبدی پریشان خرابه ده
..
آغوشینه باسوب او قدر آه و زار ایدوب
درده گلوبدی عترت عمران خرابه ده
..
عرض ایتدی کیم کسوب بابا بوینون دامارلارین
قویدی منی بو نوعیله نالان خرابه ده
..
کیم قویدى بیله خردالیقیمدا منى یتیم
جسمیم اولوبدی روحیمه زندان خرابه ده
..
سندن صورا ایدوبدیله غارت لباسیمی
غمدن قدیم اولوبدی چو چوگان خرابه ده
..
شمر آلدی گوشواره می سیلی وورا وورا
گویلومده وار او دردِ فراوان خرابه ده
..
دردین دیوبدی درده گلوب دوشدی نطقدن
ویردی قوری یر اوسته خانم جان خرابه ده
..
زینب گوروب او حالی گیدوب صبر طاقتی
غمدن او وقت اولدی هراسان خرابه ده
..
غسّاله گلدی غسل ویره اول نجیبیه
مدفون اولا او شمع شبستان خرابه ده
..
غساله ایستیوبدی ویره غسل او بی کسه
ایلوب ملال و محنتی طغیان خرابه ده
..
اول طفلین ایستدی چخادا کهنه کوینگین
اول امردن اولوبدی پشیمان خرابه ده
..
گوردی یارالیدور بدنی قمچی یاره سی
جسمین ایدوبدی قانینه غلطان خرابه ده
..
سویلوب که بو شهیده دی من غسل ویرمرم
آیا نه ظلم ایدوب بونا عدوان خرابه ده
..
بولمم نه نوعیله او یتیمه اولوبدی دفن
برپا اولوبدی شام غریبان خرابه ده
..
معلوم اولان تیمّمیله قبره قویدولار
ایتدى غروب اول مه تابان خرابه ده
..
ایسته حسیندن سن حسینی بو جمعیله
بیرده اولاق او قبره نواخوان خرابه ده
..
..
..
#حضرت_رقیه #سعدی_زمان #حضرت_رقیه_شهادت #ترکی #زبدةالاشعار