بو خرابه ده اسیرم یوخ الیمده چاره عمه #حضرت_رقیه_فکری_اردبیلی

حالات حضرت رقیّه (س)
..
..
..
..
مرحوم فکری اردبیلی
..
..
..
..
بو خرابه ده اسیرم یوخ الیمده چاره عمّه
ئولورم منی قویارسان سن ئوزون مزاره عمّه
..
..
..
..
بیلورم که نعشیم اوسته یوزه خون دل توکرسن
بالا وای دیوب اورکدن یانوب الحذر چکرسن
کفن اولماسا بو زاری قره معجره بوکرسن
کفنیمده خوشدی بختیم کیمی اولسا قاره عمّه
..
..
..
..
من او شمع بزم عشقم گیجه صبح اولونجا یانّام
گونوز اللریم اورگده بو خرابه نی دولانّام
ایله کی غروب اولاندا قاپیدا گلوب دایانّام
ره کربلایه تئزتئز ایدرم نظاره عمّه
..
..
..
..
بو خرابه گوشه سینده بیبی حشر اولونجا قالّام
سنی هجر اودوندا دائم بیلورم بلایه سالّام
نه دیدیم دیدون داریخما گیده روک وطنده آلّام
خوش اولار آلوب گتیرسون منه گاهواره عمّه
..
..
..
..
دیدیم عمروم اولسا چالّام صود امر شکاره لایلای
سو یانیندا تشنه لعل لب بی قراره لایلای
گیدن عاقبت مزاره بوغازیندا یاره لایلای
ولی اولمادی نصیبیم ایلیوم نه چاره عمّه
..
..
..
..
اگر اکبریم بو یولدان بی بی جان عزایه گلسه
یادا غربت اولکه سالسا باجیسین هرایه گلسه
ایدرم او مه لقادن بی بی جان گلایه گلسه
دیرم کم اولدى لطفون نیه بس بو زاره عمّه
..
..
..
..
بو غریب و دلفکاره بیبی بزم غم قورارسان
بالا وای سسیله یکسر بو دیاری دولدورارسان
ایکی اللرون اورکده قاپیدا ئوزون دورارسان
گله یاسه بلکه اکبر چاتام افتخاره عمّه
..
..
..
..
باجی قارداشیلا دائم سوؤنر که یولداش اولسون
هامیدان دیر جهاندا گرک عزّتی باش اولسون
باجی جان ویرنده ایستر باشی اوسته قارداش اولسون
اودی منده ایسترم تئز گله بو دیاره عمّه
..
..
..
..
منه هر زمان دیردی باجی صبر ایله فشاره
دئ اورکده دردون اولسا فقط حیّ کردگاره
سنه آلّام عمروم اولسا بیلوسن که گوشواره
گتیرر گلنده اکبر منه گوشواره عمّه
..
..
..
..