کرب و بلایه چون یتوب غم کاروانی زینبون #اربعین_خادم_عطار

اربعین
..
..
..
خادم عطار تبریزی (نوحه خوان)
..
..
..
کرب و بلایه چون یتوب غم کاروانی زینبون
عرش برینه اوج ایدوب آه و فغانی زینبون
.
قبر اوسته آچدی باشینی جاری ایدوب گوز یاشینی
اوخشوب سوسوز قارداشینی آرتدی فغانی زینبون
.
یا من ذبیحاً مِن قَفا یا مَن قَتیل الاَشقیا
گلدی باجون دور یا اخا اول همزبانی زینبون
.
ایله نظر عذاریمه بو دیدۀ خون باریمه
گوزدن آخار رخساریمه اشگ روانی زینبون
.
شامه کیمی شمر دغا چوخ ایلیوب جور و جفا
تشریح ایده دلده اخا یوخدور توانی زینبون
.
اولدوخ اسیر قوم کین نه یاور و نه بیر معین
شمر اولدی قارداش شامه جَن چون ساربانی زینبون
.
قویموب بیزی اول کوفیان تا ایلیاخ آه و فغان
ایمدی گرک اولسون عیان سرّ نهانی زینبون
.
یوخدور وفا ایّامیده اول قوم خون آشامیده
قالدی رقیَّن شامیده آرام جانی زینبون
.
دفن ایلدیم با صد محن اوز کوینگون قیلدیم کفن
قارداش پوزولدی ظلمیلن بُول گلستانی زینبون
.
اولدی خرابه منزله نه سایبان نه حایلی
عرض ایتمگه یوخدور دلی بو ماجرانی زینبون
.
یا رب به حق لافتی بو جَمعه سن ایله عطا
زوّار اولا اول قبره تا بو «نوحه خوانی» زینبون
.
..
..
#اربعین #خادم_عطار #ترکی #زبدةالاشعار