شهادت حضرت زهرا (س)
..
..
..
..
رضا غلامپور(دلپاک تبریزی)
..
..
..
..
ترک ائیلیری زهرا داخی دنیانی عم اوغلی
سال بو گجه گیزلین یولا زهرانی عم اوغلی
..
..
..
..
ای عزّتینه رشک آپاران عرش الهی
الطاف گرانی بشرون ظلّ پناهی
وی مست ائلیین عالمی صهبای نگاهی
گل پوزما سرشگیله او صهبانی عم اوغلی
..
..
..
..
ای نفس سلیمی نفس عالمه محرم
انفاس شریفوندن آلار جان دل عالم
بیر دم دم جانبخشیله وئر گویلومه بیر دم
گوستر منه اعجاز مسیحانی عم اوغلی
..
..
..
..
ای چرخش ایّامه اولان جوهری محور
خورشیدی ائدن پرتو انواری منوّر
فلک شرفه منطق حرّیّتی لنگر
دلدن بئله سلب ائتمه شکیبانی عم اوغلی
..
..
..
..
فوق بشر انوار جلی نور خداسن
سر سلسله ی عشق و هامی درده دواسن
تندیس شرف ترجمه ی سرّ ولاسن
بولمز بولوسن هامّی بو معنانی عم اوغلی
..
..
..
..
بیر دفتره حقدور بولورم اصل ولایت
مکتوب ائدن اسرارینی استاد کتابت
تشریحینه اسبابیدی موضوع امامت
هر حرفی دئیر شأن تولانی عم اوغلی
..
..
..
..
ای بادهٔ میخانه ی حقدن دلی مخمور
فیضه یئتیشر بدر رخوندان شب دیجور
زهرا بو کشاکشده ائدیب چوخ غمی مستور
محشرده آچار سرّ بو دعوانی عم اوغلی
..
..
..
..
بو خواهشی گل سالما یئره فاطمه جانی
وئر غسلومی گیزلینجه ولی غسل زمانی
یوم گوزلریوی توکمه یوزه اشک روانی
تا گورمیه سن یاره لی اعضانی عم اوغلی
..
..
..
..
مندن صورا دوز مملکت صبره علم وور
نه آغلا نه دل کشورینه بیرق غم وور
نه بیرده گئدیب من یخیلان یئرده قدم وور
سالما داخی ذهنه سن او غوغانی عم اوغلی
..
..
..
..
تا بیعته چکدی سنی ظلم اهلی جفادن
دوتدوم اتگون شدتیله مهر و وفادن
بیر کشمکش اولدی کی قولوم سیندی جفادن
چوخ گوردوم اودم محنت و ایذانی عم اوغلی
..
..
..
..
گئدیم کی آلام حقیمی غم وقتی دل افگار
آلدیم یولا دوشدوم منه ای غصه لی غمخوار
یولدا نه لر اولدی دئمرم بیر بو قدر وار
ظلمین الی یاندیردی بو سیمانی عم اوغلی
..
..
..
..
زهرا سنی فکر ائیلمه کی گوزدن آتیبدی
گوزیاشین اورک قانینا بو غمده قاتیبدی
عفو ائیله حضورونده سنون بیله یاتیبدی
جسموندن آلیب غم داخی یارانی عم اوغلی
..
..
..
..
دوشدون ستم و ظلمیله تا محنت جبره
قویدون هامی دین اوسته بنا تربت صبره
اول صبره گوره قوی دل شبده منی قبره
سالما یئره بو غملی تقاضانی عم اوغلی
..
..
..
..
مندن ال اوزوب نه غم و نه فکر وصال ائت
هر چند چتیندور ولی گل دفع ملال ائت
بیرده بو گجه غصّه لی زهرانی حلال ائت
اینجیتسه اگر سن کیمی مولانی عم اوغلی
..
..
..
..
اول گونکی قاپین یاندی کسیلدی ره چاره
مسماری آچیلجاق ائلدی سینمی یاره
دیواریله در سالدی منی ائیله فشاره
آهیم بورودی طاق ثریانی عم اوغلی
..
..
..
..
طاقت یولونی اشکیویله باغلاما بیله
اودلی دله خاطر دلیوی داغلاما بیله
قربانون اولوم حسرتیله آغلاما بیله
گوز یاشینا وئرمه رخ زیبانی عم اوغلی
..
..
..
..
ای وای منه بو حاله ندن سویله قالیبسان
گل تک سارالیب طاقتیمی الدن آلیبسان
زهرا دوگولندن گورورم چوخ قوجالیبسان
یاندیردی بو حالین دل زهرانی عم اوغلی
..
..
..
..
«دلپاک» سنه نوکردی اودور وار گوزو سنده
قویما قالا یالقیز اوره گی گل تک اسنده
فریادینا یئت محشره گوز یاشلی گلنده
آسان إئت اونا وحشت عقبانی عم اوغلی
..
..
..
..
#فاطمیه#دلپاک #فاطمیه_شهادت #ترکی #زبدةالاشعار
نظر دهید