گلشنده صولوب گل سمن و یاسمن آغلور #فاطمیه_دلجو

شهادت حضرت فاطمه زهرا (س)
..
..
..
..
اصغر گلمحمدی ( دلجو )
..
..
..
..
گلشنده صولوب گل سمن و یاسمن آغلور
ایوای آنا وای دیلده حسین و حسن آغلور
..
کلثومیله زینب اوتوروب صحن سراده
گویا ایکی گولدی سارالوب باغ ولاده
..
فریاد و فغان اوج ایلیوب نه فلک آغلار
خاتون جزا حالینه جن و ملک آغلار
..
ائتمیشدی وصیت گئجه غسل و کفن اولسون
غسلوندا فقط بیرجه شه ممتحن اولسون
..
اوز دلبرینون خواهشین اجرا ائدوب حیدر
قبر ایچره بو احواله یانوب ختم پیمبر
..
یار ایستدی دلدارینه غسل ایلیه ای داد
باخدی یارالی یارینه یار ایلدی فریاد
..
بلبل نئجه آغلار گولونی زاغ درنده
قمری نئجه کوکو ایلیر ساری گورنده
..
زهرایه باخوب اشکی یوزه سیل تک آخدی
بیر شیون ائدوب یاندروب عالملری یاخدی
..
دیواره یوزون قویدی شهنشاه ولایت
بولمم نئجه آغلوردی او دریای شهامت
..
اسما دیور عرض ائتدیم ایا فاتح خیبر
وی صبرینه حیران هامی اقطار و فلکلر
..
اولما سنی هجران غمی ائتموش بیله بیتاب
زهرا غمینه آغلوسان ای مفخر احباب
..
بو نوعیله سن آغلاسان ای جان پیمبر
آیا نئجه صبر ایلیه جاخ زینب مضطر
..
فرمایش ائدوب حشره کیمی گوز یاشیم آخسا
سوز دل سوزانیم اگر عالمی یاخسا
..
باجادی ، بتولین غم هجرانی کم اولماز
هجران غمی تک قلب ملولیمده غم اولماز
..
گوز یاشیمه باعث ولی بیر آیری محن دی
قمچی یرینه دوشدی گوزوم اشکیم الندی
..
گلزار محبت ده علینون گولی صولدی
باعث اونا قنفذ ووران قمچی لر اولدی
..
«دلجو» گیجه نین نصفی بو نه حال اسف دور؟
غم ایتمه عنایت ایلین شاه نجف دور
..
..
..
..
#فاطمیه #دلجو #فاطمیه_شهادت #ترکی #زبدةالاشعار