ام البنینم من وطنده سوگوارم #حضرت_ام_البنین_غفاری_زنجانی

زبانحال حضرت ام البنین علیها سلام
..
..
..
#سبک_یا_فاطمه_من_عقده_دل_وا_نکردم
..
..
..
غفاری زنجانی
..
..
..
..
امّ البنینم من وطنده سوگوارم
اوغلانلاریم قانه باتوبدی داغدارم
صبر ایلرم من – جانانه خاطر
مین اوغلوم ئولسه – قرآنه خاطر
..
..
..
..
گلّم نوایه اولموشام نی تک نوالی
ایللر وطندن گیتدی اولدی کربلالی
ایتدی بو غم دائم منی یاسلی، عزالی
چخماز ئولونجه جسمدن بو رخت قارَم
..
..
..
..
یولّاردا دائم منتظر آغلار گوزوم وار
آخر آنا قلبینده نه حدّه دوزوم وار
کشف ایلرم اهل دل اولسا هر سوزوم وار
افسوس یوخدی مونسیم بی غمگسارم
..
..
..
..
قلبیم دونوب قانه منیم هجران الیندن
آغلار گوزوم بو درد بی درمان الیندن
بو درده درمان گورمرم انسان الیندن
تک بیر اولان اللهیمه امیدوارم
..
..
..
..
دولدی اورک غملن اولوب قان آیریلیقدان
اود دوتدی یاندی سر به سر جان آیریلیقدان
طوفان قوپار جسمیمده هر آن آیریلیقدان
بو غصۀ ی جانسوز الیندن بی قرارم
..
..
..
..
هیچ بیر آنایه من چکن غم مبهم اولماز
هر لحظه آرتار محنتیم هرگز کم اولماز
یعنی اوغولسوز لوق کیمی هیچ بیر غم اولماز
چخماز یادیمدان بو مصیبت اشکبارم
..
..
..
..
من شیرۀ جاندان نچه جان بسلمیشدیم
مردان حق الگوی انسان بسلمیشدیم
جنگ و جداله شیر غرّان بسلمیشدیم
شکر ایلرم دائم قرین افتخارم
..
..
..
..
عباس تک بیر مرد میدان بسلمیشدیم
من کشور ایمانه سلطان بسلمیشدیم
اسلامه یاور یار قرآن بسلمیشدیم
من باغبان سرو و باغ و لاله زارم
..
..
..
..
دنیانی دولدورسا اوغول، عباسیم اولماز
باغیم کیمی دنیاده هیچ گلزار سولماز
هیچ بیر بهار ابری گوزوم مانندی دولماز
گوردی گلستانیم خزان من بی بهارم
..
..
..
..
#حضرت_ام_البنین #غفاری_زنجانی #ترکی #زبدةالاشعار