دوشدوم آتدان یره یا سیدی امدادیمه گل #عباسیه_تبسمی

استمداد حضرت ابوالفضل العباس (ع)
..
..
..
#سبک_یارالی_جان_یارالی … #سبک_شهریاریمسن_آقا … #سبک_کربلا_منتظر_ماست … 4 سبک
#سبک_ای_منیم_آرخام_ایلیم (با اضافه کردن واگیر)
..
..
..
..
حاج ناصر تبسّمی اردبیلی «صفا»
..
..
..
..
..
دوشدوم آتدان یره یا سیدی امدادیمه گل
یخدیلار قولسوز علمداروی، فریادیمه گل
گل حسین ال یتور السیز باشیما
باخ بو هجرونده آخان گوز یاشیما
..
..
..
..
..
دلبریم لطف ایله سرداریوی آتدان یخیلیب
شیر دل یاوریوی بی سر و سامان یخیلیب
دوره سین دشمن آلیب عرصه ده اصلان یخیلیب
آخرین لحظه گورم گول یوزوی دادیمه گل
..
..
..
..
..
قویما عبّاسوی حسرت قالا قلبینده آقا
گل گوروم صون نفسیمده سنی ای ماه لقا
بلکه راحت چیخا جانیم تاپا عزّت سقّا
مرهم اولسون قدمون بو دل آبادیمه گل
..
..
..
..
..
چوخ چتیندی دگه اوخ جنگده گوز کاسه سینه
وئرمیه سس ائله بحرانده بیر کس سسینه
یاره لی اوندا تمنّا گوزی باغلار کسینه
بی کسم منده حسین سسلورم امدادیمه گل
..
..
..
..
..
بیر گوزومده اوتوروب اوخ بیری گوزلر یولوی
قصد امداد ائلسون گوزله آقا صاق صولوی
السیزم من سنون حفظ ایلیه حق جوت قولوی
دشمنیم طعنه ویرور بو دل ناشادیمه گل
..
..
..
..
..
نئچه جلّاد کسه باشیمی قارداش تلسور
پرچمون سینه مون اوستونده دی قلبیم تک اَسور
گلمگون اولسا سرافراز ائله تئز، یوخسا كسور
باشیمی تیغ عدو ، دوشسون اگر یادیمه گل
..
..
..
..
..
کینه لی دشمن ائدور هلهله و جوش و تلاش
قول کسنلر اورگی سویمیوب ایستور کسه باش
بعضی لر الده دوتوب نیزه بیر عدّه ولی داش
بیر نفر یوخ دیه ،بس دشمن بیدادیمه گل
..
..
..
..
..
یاره حدّیندن آشیب پیکریمی قان بوریوب
بنذورم لالیه کی خار مغیلان بوریوب
یا سینیق کشتیه دریا آرا طوفان بوریوب
ساحله یول گزورم ذورق بر بادیمه گل
..
..
..
..
..
سر راهونده دوشوب گورسون اگر قولّاریمی
یاد ائله جعفر طیّار منیم اوخشاریمی
غم یمه قول ندی قربان سنه وئرّم واریمی
سن رضا اول دوشه اود سینه ده اکبادیمه گل
..
..
..
..
..
گرچی دین اوسته شهیدانیله چاتدیم شرفه
خجل اولدوم ولی، سو سالدی منی وا اسفه
بوشلادیم مرکبی گئتسون گئده جک هر طرفه
دویموشام جانه وصیّت ائدم اورادیمه گل
..
..
..
..
..
یخیلان لحظه ده یار اولدی منه بنت رسول
آغلیور حالیمه گوردوم اورگی یاره بتول
دئدی اوغلوم منه شاد اولدی بو غمگین و ملول
دعوت اولدون دئدی مهمان سنی اجدادیمه گل
..
..
..
..
..
یا ابوالفضل فدا شیعه گوزل نیّتیوه
عمردی قلب «صفا» اوتدا یانور محنتیوه
بیر نظر لطف ایله بو شاعر پر حسرتیوه
مُهر صحّت ویراسان طالبم اسنادیمه گل
..
..
..
..
..
#عباسیه #تبسمی #عباسیه_شهادت #ترکی #زبدةالاشعار