وداع
..
..
..
..
..
کربلایی رحیم شایان
..
..
..
..
..
زینبیم من عازمم طفلانی تاپشیردیم سنه
اهل بیت عصمت زهرانی تاپشیردیم سنه
..
پرچم خونین عاشورانی تاپشیریم سنه
من خداحافظ باجی قرانی تاپشیردیم سنه
..
..
..
..
..
کربلا قربانگهینون اخرین قربانیم
باشدا وار شوق شهادت .کوثرین عطشانیم
جدیمین رضوان حقده عشقیلن مهمانیم
زینبیم من سنّت طاهانی تاپشیردیم سنه
..
..
..
..
..
شب نمازینده حیسن بی شک یادوندان چیخماسین
خنجر شمرین یرین اوپمک یادوندان چیخماسین
اول انام زهرا تیکن کوینک یادوندان چیخماسین
راه و رسم عصمت کبرانی تاپشیردیم سنه
..
..
..
..
..
من شهید اولسام جنایت لر گوررسن ای باجی
ات چاپانلاردان قیامت لر گوررسن ای باجی
خیمه لر یانسا نه غارت لر گوررسن ای باجی
بو سولان اطفال سرگردانی تاپشیردیم سنه
..
..
..
..
..
منده اؤلسم هیچ زمان بلوا قوتارماز زینبیم
قتل و غارت دن صورا اعدا قوتارماز زینبیم
پس بیله فکر ایله عاشورا قوتارماز زینبیم
بیرق حریت انسانی تاپشیردیم سنه
..
..
..
..
..
منظر عشقیله باخسان هر نه زیبا گورسه نر
نیزه ده باشلار سنه ایات و اسما گورسه نر
کوفه و شامات ظلمی چوت گوارا گورسه نر
روز ازّل عهدیلن پیمانی تاپشیردیم سنه
..
..
..
..
..
بو قالان عورت اوشاقدا وار نه قارداش نه اتا
چوخ گوزتله خیردا قزلار بلکه مقصوده چاتا
بو رقیه م عادت ایلوبدی که قوینومدا یاتا
من سه ساله دختر نالانی تاپشیردیم سنه
..
..
..
..
..
بی نصیب اولماز قاپیمدا، اولسا کیم ثابت قدم
وار بیر اوزگه جایگاهی کیم بیزه وورسا قلم
قصد قربتله یازیر،قویما قالا قلبینده غم….
اختصاصا شاعریم شایانی تاپشیردیم سنه
..
..
..
..
..
#وداع #حسینیه_وداع #حسینیه
#زینبیم_من_عازمم_طفلانی_تاپشیردیم_سنه
#شایان_ارومیه
#ترکی
#زبدةالاشعار
زینبیم من عازمم طفلانی تاپشیردیم سنه #وداع_شایان_ارومیه
نظر دهید