قارداش گیدورم شامه بو کشور سنون اولسون #کوچ_کربلا_گنجی

کوچ از قتلگاه
زبان حال حضرت زینب (س)
..
..
..
..
..
مرحوم گنجی
..
..
..
..
..
قارداش گیدورم شامه بو کشور سنون اولسون
بو کرب و بلا مُلکی سراسر سنون اولسون
..
..
..
..
..
کوچ ایلییروخ کرب و بلادن بو زمان بیز
دفن ایلمدوخ سیزلری قالدوخ نگران بیز
قارداش باجیوخ بیر آتادان بیر آنادان بیز
راضی دگلم جمله ستملر سنون اولسون
..
..
..
..
..
حیدردن اولوب چون سنه میراث شهادت
زهراده قویوبدور منه غم غصّه و مُحنت
بیربیر ایلیوم قوی بو مصیبتلری قسمت
زنجیر منیم نیزه و خنجر سنون اولسون
..
..
..
..
..
قارداش ایدورم جسمووه هر قَدر نظاره
گلمز بدنونده عدد زخم شماره
نعشون باشینا قوی دولانوم بیرده دوباره
گوزیاشی منیم پیکر بی سر سنون اولسون
..
..
..
..
..
میندن یوخاری گر یارا سینونده سنون وار
یوز اونجه جگر داغی من غمزده نون وار
یانوندا سنون اکبر گل پیرهنون وار
بیمار منیم قوی دیوم اکبر سنون اولسون
..
..
..
..
..
ایسترسن علی اصغری بیحدّ و زیاده
عطشاندی سو ویر ساخلا اونی کرب و بلاده
مَنلن بو سکینه گیده جاق شامه پیاده
بسدور بو سکینه منه اصغر سنون اولسون
..
..
..
..
..
داماد سنون تازه گلین زینب زارین
قوم اوستی سنون کُنج خرابه بو فکارین
کلثومی گوتورّم دولاناق کوفه دیارین
عبّاس علمدار دلاور سنون اولسون
..
..
..
..
..
یئتمیش بیره دین وار شهدا دور و برینده
قرخ قاره گِیَن واردی بوخونین جگرینده
انوار خدا جلوه لنور قانلو سرینده
من مونس غم رأس مُنوّر سنون اولسون
..
..
..
..
..
شام اهلی بیزه عیش و طرب بزمی قورالّار
اهل حرمون بزم یزید ایچره دورالّار
پیغمبر اؤپَن لبلرووه چوب ویرالّار
من صبر ایدرم یاره لی لبلر سنون اولسون
..
..
..
..
..
کَهف آیه سینی سن اوخوسان شام و سحرگاه
منده ایدرم همدمیمی ناله ئیلن آه
امّا آنام اوغلی بو گراندور منه بالله
دشمنلر ایچینده بو حرملر سنون اولسون
..
..
..
..
..