چون اسرانی ظلمیلن شام خرابه گتدیلر #ورود_شام_صدری_اردبیلی

ورود اسرا به شام
..
..
..
#سبک_ای_حرمینه_ناز_ایدن … 4 سبک … واردی باشیمدا یا حسین … عطری گلور محرمین …
..
..
..
..
مرحوم صدری اردبیلی
..
..
..
..
..
چون اسرانی ظلمیلن شام خرابه گتدیلر
فاطمه نون خانم قیزین بزم شرابه گتدیلر
..
..
..
..
..
منده هانی او حوصله قصه ی شامی تا یازام
بیر به بیر هر بلالرین ایلیم ابتدا یازام
عمده دی محنتی اونون بیرده دگل روا یازام
محنت اعظمی هاچان شرح كتابه گتدیلر
..
..
..
..
..
ماویه اوغلونون ائوین یخسون او خالق جهان
یخدی پیمبرون ائوین قلبیمیزی ائدوبدی قان
قرخا یاخون حرم اوشاق شامه قدم قویان زمان
خارجی مذهب آدینی اوندا خطابه گتدیلر
..
..
..
..
..
صبح زمانی یتدی چون شامه او غملی قافله
عصره کیمین کناریده ساخلادیلار او حالیله
جار چکیلدی شامیان چخدیلار عیشلن چوله
الده دف و نقاره لر طعن و عتابه گتدیلر
..
..
..
..
..
بیلمه عبث بو محنتی تا اولاسوز هوا کیچه
باشی آچوق او بانوان شامه دگل روا کیچه
بوندان علاوه هر گذرگاهده برملا کیچه
شمر سنان جفاسیدی آل ترابه گتدیلر
..
..
..
..
..
ناس و أُناث او شهریده گور نه خیانت ائتدیلر
حق پیمبری دانوب دینه اهانت ائتدیلر
فاطمه قیزلارین گوروب طعن و شماتت ائتدیلر
خیلی محقّر آدلاری ختم مآبه گتدیلر
..
..
..
..
..
غرفه و بام كوچه ده الده دف و نقاره لر
کئچدی پیاده لر قاباق دالدا گلوب سواره لر
وه نئجه نظمیلن گلور نیزه ده بو ستاره لر
یتمیش ایکی یارالی باش اوندا حسابه گتدیلر
..
..
..
..
..
سس اوجالوب گوروندی بیر محشر اولوبدی برملا
عورت اوشاق دی ناقه ده باشی آچوق برهنه پا
زلفینی معجر ایلیوب دختر شاه لافتا
ظلمیله باغلى قوللاری بیرجه طنابه گتدیلر
..
..
..
..
..
لال اولاسان دلیم منیم شرحینه بو مصیبتون
فاحشه لر جمع اولدولار دورینه آل عصمتون
داش آتوب ال چالادردیلار مختصری بو صحبتون
گور نه بلا او زینبِ آل جنابه گتدیلر
..
..
..
..
..
بعضی اُناث لر دوروب بامده افتخاریلن
زینت ائدوب قوجاقینی بچّۀ شیرخواریلن
شامی خرابه بس ندن قالمادی روزگاریلن
تازه دن اصغرون غمین قلب ربابه گتدیلر
..
..
..
..
..
جار ویراندا قدسیان نسل بشر نشورینه
حق یتورنده مردمی کیفر ماصدورینه
اوندا گوره لّه (صدرنی) شاه شهید حضورینه
کیم گینوبدی سندس خضر ثیابه گتدیلر
..
..
..
..
..