ای رقیه نی سالان چوللره جوان علی #حضرت_رقیه_ثابت_اردبیلی

زبانحال حضرت رقیّه (س)
..
..
..
#سبک_مسلمون_شهادتی ( 5 سبک سینه و زنجیر )
..
..
..
مرحوم ثابت اردبیلی
..
..
..
..
..
ای رقیّه نی سالان چوللره جوان علی
دوشدی گوشواره میز اللره جوان علی
..
..
..
..
..
گوشه خرابه نی وردیلر مکان منه
حسرتم بو شامیده اکبر جوان سنه
دستگیر اولوب باجون شاهزاده دشمنه
دو شدی گون بگون آدیم دیللره جوان علی
..
..
..
..
..
یاتما کربلاده گل شامه گوزلرم یولون
آل سینان بو گوگلومی سال بو بوینوما قولون
چکمیشم نه لر علی باری شاهدیم اولون
قمچی باغلیوب عرب بللره جوان علی
..
..
..
..
..
شاهزادیه وورار قمچی بو رعیّتی
چخمیوب بو جانیدن یوللارون اذیّتی
توپراق اوسته قویدولار گل بو آل عصمتی
اسدی سرسرِ خزان گللره جوان علی
..
..
..
..
..
هر گجه یوخومدا من رؤیت ایلرم سنی
وار گلایم اکبریم گوزدن آتموسان منی
بلبلیِشکسته من ایستورم او گلشنی
اشگِ چشمی جمع ایدوم معجره جوان علی
..
..
..
..
..
طوی حناسنی علی اهل شام ایدوبدو قان
سن رهِ حقیقته وردون عالی امتحان
اولموشام سنه علی منده خردا نوحه خوان
گوش وئر باجون فدا سوزلره جوان علی
..
..
..
..
..
نیزده سنون باشون آلدی اختیاریمی
سالدی بو خرابیه شامیده گذاریمی
منده توکموشم یوزه گوزدن اشکباریمی
قالدی بو شکایتیم محشره جوان على
..
..
..
..
..
باغلادیم علاقمی من سنه خیاله سال
چوخ چتین اولوب على بیرده موسم وصال
چون اولوب مجسّم گوزلریمده خطّ خال
جانیمی فدا ویرم گوزلره جوان علی
..
..
..
..
..
عرش اعظمه علی آه و زاری سالمیشام
گوشۀ خرابه ده توپراق اوسته قالمیشام
فرقتونده ای جوان گل کیمی سارالمیشام
مونس اولموشام اؤزوم غملره جوان علی
..
..
..
..
..
ثابت الده خامه سی عاشق اولموش اکبره
ساخلارام بو سوزلری یادگاری محشره
تحفۀ حقیریمی تا وئرم پیمبره
بیر توجّه ایله سن دفتره جوان علی
..
..
..
..
..