حالات امام باقر علیه السلام
.
.
.
محمدرضا صادقی
.
اولار کی منکر حق امام باقردور
کتابین اهلیده اولسا بو دینه کافردور
.
بو نور حقیدی سجاد ایوینده آچدی گوزون
علوم حقی بو کشف ایلیوبدی ماهردور
.
کمال ختم نبی صولت امیر عرب
وجود حضرت باقرده جمله ظاهردور
.
صحابه دن بیریسی نائل اولدی محضرینه
بو باره دن ایلین فخر شخص جابردور 1
.
گلوب حضورینه هر کیمسه اهل دانش دن
سوز آچدی گوردوله شاگرد حی قادردور
.
اوز حقلرینده اولوب معترف ائدوب اقرار
کی بیزده علم و عمل منشاء اکابردور
.
اگرچه دین خدایه چکیبدی چوخ زحمت
ائمه تک بودا عصرینده بیر جواهردور
.
اولوبدی زهریله مسموم دوغرانوب جگری
هشام اولوبدی سبب دین حقه جابردور 2
.
بو معتبردی خبر ، کربلایه گئمیشیدی
صغیردور ولی اول ماجرایه ناظر دور
.
گوزی باخاباخا دوغراندی ظلمیله جدی
ائشیتدی شمر گلوب باشی اوسته حاضردور
.
نه گوردی عمه سی یول سالدی سمت میدانه
گئدور چوخور یره از بس او یر تکاثردور 3
.
عنایت ایله الهی بو سوزده « صادقیه »
صحیفه سینده یازار خامه حقه شاکردور
.
نقدر پیک اجل وئرسه عمرینه مهلت
بو فخری بسدی کی بو اهلبیته شاعردور
ــــــــ
1. جابر بن عبدالله انصاری
2. ستمگر
3. افزون شدن- فراوان شدن
.
#باقریه_مدح
#باقریه_شهادت
#اولار_کی_منکر_حق_امام_باقردور
#محمدرضاصادقی
#ترکی
#زبدةالاشعار
نظر دهید