حسین شاماتون اهلین من عجب حیران ایدوب گلدیم #اربعین_فکری_اردبیلی

اربعین
..
..
..
#سبک_منیم_ای_تشنه_قربانیم … #سبک_علی_اصغر_مه_انور ( 8 سبک سینه و زنجیر)
..
..
مرحوم حاج خالق فکری اردبیلی
..
..
..
..
..
حسین شاماتون اهلین من
عجب حیران ائدوب گلدیم
ستمگر کاخینی قارداش
ئوزوم ویران ائدوب گلدیم
..
..
..
..
..
کنارِ قتلگهده عترتون باغلاندی قوللاری
سرشکیم کربلادن شامه تک ایسلاتدی یوللاری
رقیّم یولدا آغلاتدی حسین داغ داشی کوللاری
هامی داغ داشی سوزِ آهیله سوزان ائدوب گلدیم
..
..
..
..
..
یارالی باشیلن قارداش بیابانی دولاندیم من
شرارِ آهیلن شعله چکوب یوللاردا یاندیم من
دگنده باشیوه داش یاره سی قانه بویاندیم من
آغارمیش ساچلاریمی کوفه دن الوان ائدوب گلدیم
..
..
..
..
..
گئدنده کوفیه مرجانه اوغلین ایلدیم رسوا
بیان و منطقه گوش ایلینلر اولدیلار شیدا
پشیمان اولدی باخدوقجا یارالی باشوه اعدا
ستمکاران دنیا کاخینی لرزان ائدوب گلدیم
..
..
..
..
..
مکان اولدی حریمِ عصمته ویرانه لر قارداش
باخاندا آغلیوردی حالیمه فرزانه لر قارداش
مسلمان اولدی شهر شامیده بیگانه لر قارداش
حقیقت بذرینی شاماتیده افشان ائدوب گلدیم
..
..
..
..
..
خرابه گوشه سینده ایلدیم احداثِ دانشگاه
علوم دینی تدریس ایلدیم ویرانه ده ای شاه
یزیدون نقشه سیندن ایلدیم انسانلاری آگاه
اگر چه غرقیدیم اما ئوزوم طوفان ائدوب گلدیم
..
..
..
..
..
یازاندا «فکرینون» گوز یاشی رخساره اولور غلطان
حسین جانانه قرباندور حسینه جانیمیز قربان
گرک فریاد و واویلا ائدم هر لحظه و هر آن
دیم زینب دیلیجه عالمی حیران ائدوب گلدیم
.
.
.
.
#اربعین
#حسین_شاماتون_اهلین_من
#فکری_اردبیلی
#ترکی
#زبدةالاشعار