سیدی گل احتضاره دوشموشم اعدا الیندن #عباسیه_انور_اردبیلی

استمداد حضرت باب الحوائج (ع)
..
..
..
..
..
مرحوم انور اردبیلی
..
..
..
..
..
سیّدی گل احتضاره دوشموشم اعدا الیندن
فخریدور گر دوتسا السیز نوکرون مولا الیندن
..
..
..
..
..
اَکرمُ الضّیف آیه سین قویدی بو لشگر زیر پاده
سو یولون سدّ ایتدیلر نصرت یته ابن زیاده
تشنه قیزلاره باخوب ناراحت اولدوم فوق العاده
تنگه گلدوم خیمه ده فریاد واویلا الیندن
..
..
..
..
..
محضروندن اذن تحصیل ایلدوم چخدوم رکابه
تلّی اَندوم دیلده یا قدّوسی هی وردوم عقابه
کیم مبارز اولدی میداندا منه سالدیم ترابه
مهلکه اولدی بو چول شمشیر آتش زا الیندن
..
..
..
..
..
حمله ایتدوم لشگره نهر اوسته برق آسا یتیشدیم
چشمۀ آب حیاته خضر تک شاها یتیشدیم
مشگیمی پر آب ایدنده مقصده گویا یتشدیم
شامیان حیرتده قالدی بو نبرد آرا الیندن
..
..
..
..
..
نهریدن چخدیم سوسوز شمشیریمون که برقی شاخدی
تلّون اوستن سن باخاندا مرتضی معناده باخدی
یاخشی دعوا ایلیوردوم مشگه اوخ دگدی سو آخدی
آخدی سو گیتدی توانا فاتح دریا الیندن
..
..
..
..
..
شُعبده بازان کوفه سامری سیرت جماعت
زردن ئوتری رنگیدن رنگه دوشن ساعت بساعته
حیله دن آلدی نتیجه قالمادی پَنجَم سلامت
پنجه گیتدی گیتمدی عباسوون سودا الیندن
..
..
..
..
..
بو سیه دل بیر سپاهون دلده واردور کینه زنگی
نغمۀ پیروز جنگی دولدوروب میدان جنگی
زاغ و کرکسلر یخوب پرسیز عقاب تیزچنگی
قاف قدرتدن دوشوب قدرت گیدوب عنقا الیندن
..
..
..
..
..
ناگرانم ئوز غمیمدن چوخ سنون درد و غموندن
گل باشیم اوسته یتوم کامه جلال مقدموندن
زخمدار عشقوی دیندیر نفس ویر خوش دموندن
خادموندن قیل رضایت قورتاروم دنیا الیندن
..
..
..
..
..
متن قرآندور صریحاً ای شه دلدار و دلخون
لَن تَنالُوا البِّرّ حتّى تُنفِقُوا مِمّا تُحِبّون
بیلدی عباسون ئوزین بو آیۀ عظمایه مدیون
هر یارا دگدی قبول ایتدی گوزیدن یا الیندن
..
..
..
..
..
اینجیسه هر مرد جنگی یاره نین تاب و تبیندن
عرش زین اوسته قالانمز ال چکر ئوز مطلبیندن
یا ئوزی دوشسه و یا جبراً یخلسا مرکبیندن
محض فرصت استفاده ایلیور شاها الیندن
..
..
..
..
..
لوحِ سینم سهلیدور تیغیله جدول جدول اولدی
گوزلریمی لخته قان دوتدی بدنده نه ال اولدی
من یخلمازدیم آت اوستوندن مسبّب نوفل اولدی
السیزون گلمز مقام جنگیده دعوا الیندن
..
..
..
..
..
دردمندون دردی آرتار عاجز اولسا چاره سیندن
چوخ آغیر سوزلر دیدی چوخ اینجیدیم دیل یاره سیندن
پرده چکدوم ایتمرم صحبت عمودون باره سیندن
بو قدر وار پرچم آز قالدی دوشه سقا الیندن
..
..
..
..
..
سن که امضا ایتموسن روز ازل عهد الستی
جام عشقون مست ایدوب یتمش ایکی عُشّاق مستی
اولماسون نسگل سنه مطلق ابوالفضلون شکستی
حمد لله چخمیوبدور فیض عاشورا الیندن
..
..
..
..
..
راضیم بو قانلو گوزلر تازه دن قانیله دولسون
راضیم نقش وجودیم تیر و پیکاندان پوزولسون
مین یارا دگسون یارالی باشیمه باشون صاق اولسون
گیتمه سون آل اللهون سرمایه سی یکجا الیندن
..
..
..
..
..
سن وفالی باغبانسان تار و مار اولموش چمنده
بیر تقاضا ایلورم لطفاً اجابت ایله سنده
اصغریمدن بیر خبر بیل ئوپ دوداقیندن گلنده
من گلنده چرپنیردی قوش کیمی گرما الیندن
..
..
..
..
..
بستر نرم شهادتده یاتوب گیتدوم ئوزومدن
دمبدم دگدی نسیم جنّت الاعلا یوزومدن
مرتضی گلدی سوگتدی ایچمدیم ئوپدی گوزومدن
آلمادوم سو جامی سنسیز ساقی معنا الیندن
..
..
..
..
..
سن امید دستگیران من ولی محروم دستم
شاهباز تیر خورده زخمدیده پرشکستم
یک دلم یک مقصدم یک نیّتم یکتا پرستم
ایش بیله دوشدی اسیرم گل قوتار غوغا الیندن
..
..
..
..
..
مدت عمریم بو گونکه گون منه خوش گوندوز اولدی
چوخ دیمیشدیم جان نثار اولّام سوزوم محکم سوز اولدی
اوخ کچوب پهنای سینمدن زرہ تک گوزگوز اولدی
زحمتی یوخدی دواسین آلمشام زهرا الیندن
..
..
..
..
..
رتبه می آرتوردی جان اوسته آنام زهرا دعاسی
شامل حال اولدی السیز پیکره حقّون عطاسی
جفت شهپر دور زمرددن گیدن اللر بهاسی
هر بیری زیبا ابوالفضلین ایکی زیبا الیندن
..
..
..
..
..
باغریمی تیر اجل مشگیم کیمی آز قالدی دلسون
امر ایدور زهرا منه سسله حسینیم فوری گلسون
گلمگون چوخ یاخشیدورگل مجلس الفت دوزلسون
بزم عرفاندا اولوم راحت غم عظما الیندن
..
..
..
..
..
قارداشین آلدی سسین ترک ایلدى قارداش خیامی
بدرقه ایتدی حرملر باجیلار مظلوم امامی
مغزی روشنلر اشاریله بیلر مغز کلامی
قیزلارین آلدی سو جامین زینب کبرا الیندن
..
..
..
..
..
محنتون ظلمت سحابی خیمه گاهه سایه سالدى
چوخدی سوز السیز علمدارین حسین اللردن آلدی
کشتی سی گردابه دوشموش ناخدا حیرتده قالدى
گوردی قدرتدن دوشوب طوفان جان فرسا الیندن
..
..
..
..
..
سسلدی امدادوه گلدوم سنه یار و معینم
بیخبر سن داغ دردوندن یانور بو داغلی سینم
نطقه گل اى السیز اعضا صاحبی مظلوم حسینم
قانلو باشون آلمیشام اون یدّی بی پروا الیندن
..
..
..
..
..
لهجوه گفتاریوه قلبیمده چوخ چوخ واردی میلیم
دردیمی سیلابه بنذتسم دوتار دنیانی سیلیم
دلشکسته داغدیدیدوم بئلیمده سیندی نیلیم
هر کیمون قارداش بئلی سینسا گیدر یارا الیندن
..
..
..
..
..
لطف سبحاندان اولوالامر اولدی گر عیسی بن مریم
زنده ایتدی مرده نی اعجازینه مات اولدی عالم
بوکسوک دیرسکلره چوخ لطف ایدوب خلّاق اعظم
رتبه ده معجز نمادور اللرون عیسا الیندن
..
..
..
..
..
سن اولان گوندن منه قارداش بلاگردان اولوبسان
حق دیوبسن فی سبیل الله بوگون قربان اولوبسان
جلوۂ حقّی گوروب موسی کیمی حیران اولوبسان
سینه سیناده بو ایش گلمیوب موسا الیندن
..
..
..
..
..
سن متینیدون وزینیدون اخی محکم جبلدن
صورتون تک سیرتون زیبائیدی هر بیر گوزلدن
قرمزی احرامیله محرم اولوب چخدون عملدن
عبد صالح منصبین آلدون حق یکتا الیندن
..
..
..
..
..
غبطه ایلر شأنوه الله یولوندا باش ویرنلر
گورسه بو ایثاری سرگردان قالار حمزیله جعفر
آفرین امّ البنینه بسلدی سن تک دلاور
تا نفس واردور یاپوشدون عترت طاها الیندن
..
..
..
..
..
من حسین سوداگر عشقم شه اجلال اساسم
مشتریم اعلا متاعیم بی مثل صاحب سپاسم
خبره صرّافم دقیقم واقفم گوهر شناسم
دوزمز هر صرّاف گیتسه درّ ناپیدا الیندن
..
..
..
..
..
یانمورام ملک سلیمان ایمن اهریمندن اولماز
یانمورام راحت عیال و عترتیم دشمندن اولماز
آغلورام بیرده على تک بیر آتا نه سندن اولماز
کنز خلقت بوش قالوب یاللعجب یغما الیندن
..
..
..
..
..
«انورا» بو خدمتون اولسا اگر خالی خللدن
باقیات صالحون اولماز بلی معلول عللدن
اولسا هر کیمده ریا ناکام اولور فیض عملدنا
آبروسی روز محشرده گیدر حتّى الیندن
..
..
..
..
..