تاپوب منه ال بو چولده لشکر #عباسیه_صحاف_تبریزی

استمداد قمر منیر بنی هاشم
..
..
#سبک_آچیلدی_پرچم (بیش از 10 سبک)
مشابه
..
..
..
مرحوم صحاف تبریزی
..
..
..
..
..
تاپوب منه ال، بو چولده لشکر
آماندی تئز گل هرایه قارداش
او قدری قالمور سنیله گئچسون
یارالی باشیم جدایه قارداش
یتوبدی جانیم حسین دوداقه
یوخومدی طاقت غم فراقه
..
..
..
..
..
یتور أوزون ای شه لب عطشان
وجودیم اولموش نشانِ پیکان
آلوبلا دورت هر طرفدن عدوان
منی بو چولده آرایه قارداش
..
..
..
..
..
نه دادرس وار نه دادخواهیم
بو چولده سنسن منیم پناهیم
رضا گل اولما فغان و آهیم
اوجالسون عرش خدایه قارداش
..
..
..
..
..
یخوبلا آتدان علمله باهم
بو سرو قدّیم اولوب حسین خم
منی نشانه شِرار عالم
ائدوبله تیر جفایه قارداش
..
..
..
..
..
نه پیکریمده یارا نه سان وار
نه باش سلامت قالوب نه قولّار
دگنده گون نی کیمی سیزیلدار
گلور یارالار نوایه قارداش
..
..
..
..
..
دئماقه گلمور داخی یوزومدن
عیاندی حالیم بو بیر سؤزومدن
سو اوسته گئچدیم بو صاق گوزومدن
اماندی تئز گل هرایه قارداش
..
..
..
..
..
سو مشگیم اوخلاندى گئتدی امکان
کسیلدی صبریم داخی حسین جان
ستمله دولدی سو مشگیمه قان
یتنمدیم مدّعایه قارداش
..
..
..
..
..
نه خیمه گاهه گلم یوزوم وار
نه دلده هجرانوه دؤزوم وار
بو صون نفسده نچه سؤزوم وار
چوخ حسرتم من سقایه قارداش
..
..
..
..
..
سکینه دن ای شه شهادت
منی بو لشکر ائدوب خجالت
تاپوبلا ال الشكر ضلالت
بو چولده من بی نوایه قارداش
..
..
..
..
..
دلیمده واردور غم نهانیم
نولوردی بیرجه بو صون زمانیم
یوزون گوریدیم چیخیدی جانیم
یتیدی قلبیم صفایه قارداش
..
..
..
..
..
غم ائتمه (صحاف) چوخ ایله خدمت
سنه اباالفضل ائدر وساطت
دییر حسینه که ایله دعوت
اونی بو ایل کربلایه قارداش
..
..
..
..
..