عزم میدان شاهزاده حضرت علی اکبر علیه السلام و تعریف حضرتش از زبان لشگر اشقیا
.
✍️ زبدة الاشعار ✍️
?: @nohe_torki
.
مرحوم طوری تبریزی
.
بو جوان کیمدورالهی یکّه و تنها گلور
مرد مردانه بیله میدانه بی‌پروا گلور
.
حاش لِلّه اولمیوب اولماز بشرده بوجمال
محو اولور نور جمالیندن بونون عقل و خیال
گوستروب خلقه بونیله اوز جلالین ذوالجلال
آیۀ حُسن المَآبَه اَحسَن و طوبی گلور
.
اوج ایدر عرشه یوزوندن لَمعه لَمعه نور حق
آیۀ نوره حقیقتده بودور منظور حق
یا گلوب واد مقدّسده ظهوره طور حق
طور سینایه مناجاته چخوب موسی گلور
.
بیز بوگون دوتدوخ حسینه عرصه‌نی بیر نوع تنگ
ایلدوخ کرب و بلا دشتین قزل قانیله رنگ
مطلقا دوردومجی گُویدن ایلیوبدور عزم جنگ
ایتماقا نصرت حسینه حضرت عیسی گلور
.
یا ایدوب رجعت بوگون دنیایه ختم الانبیا
ایلیه اوغلی حسینه کربلاده جان فدا
تاج سُبحانَ الّذی اَسری باشندا مصطفی
آیۀ اجری ایده تفسیر ذی‌القربی گلور
.
هاشمیلرده اگر چه حُسن چوخ تکمیل‌دور
بیر به بیر انوار حقّه مرکز تأویل دور
بو جوان آیا یوزوان دورت سوریه تنزیل دور
قلب قرآن مُبین یاسینیله طاها گلور
.
مصحف خطّنده قرآن خط بخط تحریردور
کاف ها یا عین صاده مصدر تفسیردور
مین دلیلیله وجودی آیۀ تطهیردور
سورۀ وَالشَّمسه تحت اللّفظده معنی گلور
.
گوردی سعد اوغلی قُشوندا وار بیرئوزگه انقلاب
رعشیه دوشدی وجودی قلبی دوتدی اضطراب
ایلدی اول بی‌حیا قومه بو نوعیله خطاب
ایمدی ایش ایشدن گچوب عقبا گیدوب دنیا گلور
.
اشتباهه دوشمیون ای قوم بی موسی دگل
گلمیوب دوردومجی گؤیدن حضرت عیسی دگل
شبه دور پیغمبره یاسینیله طاها دگل
وارث رَفرَف سوار لَیلَةُ‌الاسری گلور
.
ای جماعت نورچشم مصطفی اکبردی بو
حُسن صورتده رسول‌اللهه چوخ بنزردی بو
خَلقده هم خُلقده منطقده پیغمبردی بو
تشنه‌لب اوغلی حسینون عزم ایدوب دعوا گلور
.
سیزده دعوایه آچون اَل ایلیون جنگِ عظیم
اُمَّهاتِ اربعه اولسون بو دعوایه عقیم
پاره‌پاره دوغریون جسمین اَیا قوم جَهیم
باش آچوب زینب دیسون لیلایه واویلا گلور
.
قامت موزونی بنزر آهه لفظ عامیله
آهی تشبیه ایلیو حرف اِلاهه لامیله
لام عبارت ذوالفقاریندندی بیله نامیله
باشدا تشدید اولسا عین‌الله اولور پیدا گلور
.
« طوریا » بوندان زیاده سن کلامه وئرمه طول
اکتفا ایلر سنه بیر بیت اگر اولسا قبول
آجَرَک یبقی الی یَومَ الجَزا عِندَالرَّسول
گیردار حشرده فریادیوه زهرا گلور
.
#اکبریه_شجاعت
#بو_جوان_کیمدور_الهی_یکه_و_تنها_گلور
#طوری_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید