شجاعت مولا علی المرتضی (ع) در #جنگ_خیبر
#گریز #فاطمیه_شهادت
.
✍️زبدة الاشعار✍️
?: @nohe_torki
.
بِلادی اردبیلی
.
بت پرست امته چون فاتح اولوب ختم نبی
دعوت اسلامه ایدیبدور عجمیلن عربی
.
.
روم و ایرانه اول وحلده گوندردی پیام
چوخلاری ایمدی باش فیکریده افکار قیام
ایتدیلرکرسی نخوتده لجاجتله مقام
یوللادی هر طرفه دعوت توحیدی رسول
قائده بیلمه دیلر ائتمدیلردینی قبول
.
.
حکم پیغمبراسلامی اولارردّایلدی
پیک پیغمبره توهین فرا حد ایلدی
اوز دینیندنده اوزون چوخلاری مرتد ایلدی
ائتدیلر بوعملیلن دل موسانی ملول
رحمتِ حق ایلدی باشلارینا مرگی نزول
.
.
رحمیدن دوندی رحیمین حقه پرچم ویرانی
دم بدم ذات احّدن دم آلوب دم ورانی
کفروالحادی اسن یل کیمی برهم ورانی
رحمت الله علیه مجلسیدن دور بو خبر
لشکردینه عمر اولدی اول سرلشگر
.
.
چوخ غروریله عمر لشگره فرمان وئردی
دیلده غارت سوزی یولاردااولوب هم وئردی
خیبره چاتدی عُمربیر در محکم گوردی
نچه گون قالدی او مآواده سپاهیله عُمر
چوخ جَری لشگر اولوب درک ایلدی منبع شرّ
.
.
چوخ تلاش ایتدی ، تلاشی ابداویرمدی بَر
چاره ساز اولمادی چون ائتمدی شمشیر اثر
نه اثر گوردی کَسَردن نه گوروب قلعه خطر
قییدیب محضرِ پیغمبره باشی آشاقا
دئدی پیروزی چتیندور منی عفو ایله آقا
.
.
بویوروب حضرت پیغمبرِ خاتم عُمره
تکیه ایتمیشدون عُمرالده کی کسکین کسره
حقی یادان چیخادان کَس چاتابیلمز ثمره
جان سپر دینه ائدن ، دینه علمدار اولاجاق
سینه ده ریشه اگرآتماسادین خوار اولاجاق
.
.
سن تلاشون ایلدون جنگِ یهودیله ولی
بویوروبدور منه زر عالمی ربّ ازلی
قلعنی حکمیدی تسخیر ایلیه شخض علی
دین اسلام علمین موسم محشرده دوتار
ایکی دنیاده علی محکمه عدلی قورار
.
.
حکم آلوب خیبره حمله ایلسون شیر خدا
امر فرماندهی اجرایه قویوب میر هدی
پرچم دینی آلوب چنگینه اول شیر خدا
دئدی ای خالق یکتا منی هیچدن یارادان
لطف ایله بندوه تا خصمی آپارسون آرادان
.
.
وقت او وقت اولدی چیخوب رزمه امیر الامرا
قاف زین اوسته دوروب کوه شجاعت مولا
سینه دن ایلمدی لحظه خداوندی جدا
یتیشوب خیبره گوردی ایلیوب خندق حصار
آچدی بال و پر آتی، خندقی گئچدی کرار
.
.
حیدرین جرآتی دشمنلری هشیار ایلدی
خواب نخوتده یاتان مردمی بیدار ایلدی
گلدی میدانه، غضبلن بیله رفتار ایلدی
من علی ابن ابی طالبم ای قوم کثیف
ایستورم جنگیمه الساعه، اگر اولسا حریف
.
.
غرق دربحر منّیت اولان اشرارِ زبون
باخدیلار بیربیرینه تا گئده بیر بخت نگون
عاقبت جنگِ اومولایه گلوب مرحبِ دون
ئوز ئوزه دوردی قوی جوهریلن فانی عرض
جنگه آماده اولوب مرحبِ پر کینه غرض
.
.
دئدی شاهِ دوزمانه، بیله اسرار ایلمه
منیله جنگه جوان، نیتّ پیکارایلمه
مرگَ شایسته، دگولسن منی وادار ایلمه
کیمسن ای شرزه عرب یوز یوزوه منلن دوروسان
ندور آدون کی بیله دادِشجاعت ویروسان
.
.
بویوروب مرحبِ حقین ایتی من خنجریم
دین اسلامین عَلم پروری سر لشگریم
روح مردانخ دَمَم، مَردلرین جوهریم
لقبیم شیر خدادور اسدالله هم من
صف شکن بیشه تقواده یدالله من
.
.
اودئدی داشه ویرام نیزمی داش پارچالانار
داغ دایانسا قاباقیمداقلیجیم خاکه سالار
دور و اطراف قبایلده آدیم تک باج آلار
بو بویوردی منه افسانه دیمه من علیم
عالمین زوری الونده اولا الله علیم
.
.
اودئدی پَنجَم ائدر عرصه ده اصلانی شکار
نعرمه دیل دوتولار، صحن گلستان پوزولار
بو بویوردی منی الله یارادیب کوه وقار
سوزووم الله سوزودور پیکر اسلامم من
معنیم آیه لره سر به سر احکامم من
.
.
دینیمه کج باخاکیم اونلامقابل دورانام
قله عشقه شرافت علمین من ویرام
یئر ئوزی مرحب اولا، پیکرینه اود سالام
عربستانداتانورلار منی قتال العرب
لقب شیر ویروب آدیمه شجعان حَرَب
.
.
دئدی مولایه آچیق سوز دئی آدون ایله بیان
خندقی کچمه گون ائتدی منی دیلدن نگران
ایتدی فرمایش اودم حنجرِغیرت اوجادان
تانی سنده منی صفدردی مظفردی آدیم
قهرمانم علوی مَسلَکَم حیدردور آدیم
.
.
مرحبین رنگی دونوب لرزه دوتوب پیکرینی
یاده سالدی اوزمان مرحب دون مادرینی
اونا ایتمیشدی اوشاق لیقدا وصیت لرینی
قورخما میدانِ جدلده نچه مین لشکردن
ولی اوغلوم حذرایت جنگیده تک حیدردن
.
.
دیل دوتولدی بدن اسدی علیه باخدی گوزی
قورخودان سوندی وجودینده اولان کینه کوزی
باخدی باخدی دئدی آهسته ئورکده بوسوزی
دئدی آیا بوهمان شخصیدیتاپشوردی ننم
ائتی فرمایش آنون تاپشوران حیدر اومنم
.
.
قییدوب وحشتیله دیزلری اسدی اوزمان
دیل دوشوب تاب و تبه جسمینه سالدی هیجان
حین راهینده ظهور ایلدی ناگه شیطان
دئدی دوزدور ئولومون خنجری حیدردن اولار
ولی بو ملکوده ای یَل نئچه مین حیدر وار
.
.
بو عمل لطمه ویرار منصبوه خوار ایلیر
گورونوب گوزلره مرحب نجه پیکار ایلیر
قاچماقون شآنوی میداندا سبکبار ایلیر
وسوسه ایلدی شیطان اوسگِ مرداری
بیرده مرحب قیدیب قصد ایلدی پیکاری
.
.
تیغیله نوری سالوب حیرته آیینه لری
چکیلوب نعره لری تنگه دوشوب سینه لری
اویادوب جنگ وجدل کینه دیرینه لری
ضربه لرردو بدل اولدی دوشوب ایش دوگونه
گوئیا حیدری الله یارادوبدور بو گونه
.
.
حین دعواده علی کوشش بی حّد ایلدی
متوالی ضرباتین نئچه سین ردّ ایلدی
ضربه آخرین، آخرده یولون سدّ ایلدی
ویردی بیر ضربه علی احسنین الله دئدی
ییخدی آتدان یئره تکبیر شهنشاه دئدی
.
.
افتداریله دوشوب تپراقا زین اوسته اوشه
کسدی مرحب باشینی ایلدی عمرین کوته
وار یری شیعه سی هردم دیه مولا به به
زهر چشم آلدی امیرالمرا لشگردن
ذکر زهرانی ایدیب دوتدی در خیبردن
.
.
بیر تکان ویردی دره لرزه دوتوب دیواری
لرزه دردن دوتوب آرتوق سپه اشراری
قاچاقاچ دوشدی ایاق آلتدا قالوب چوخلاری
خیبری قالخیزان اَل ظلمیله باغلاندی اوگون
فاطمه سینه سی مسماریله داغلاندی اوگون
.
.
#گریز #فاطمیه_شهادت
.
.
اوگونون دردی سماواتی سیه پوش ایلدی
زینبین قلبینی مین درده هم آغوش ایلدی
حیدرین یخدی ائوین محسنه هم دوش ایلدی
عُمر اود ویردی علی درگهینه صبر ایوینه
قالدی آغلار بالالار گئتدی نه نه قبر ایوینه
.
.
ننه تابوتی یولا دوشدی حسین آغلادی قان
یوز ویروب زینبه غم سسلدی بیردن اوجادان
یاره لی سینوه قانلی گوزی زینب قربان
دورد بالا قوردیلا یاس نوحه دیوب آغلادیلار
ننه نین بزم عزاسینده اورگ داغلادیلار
.
.
یاخاسین حیدر آچوب قیزلاریدا باشلارینی
آغلادیب باجیلاری محنته قارداشلارینی
توکدیلر غملی اولان صورته گوزیاشلارینی
دئدی زینب یارالی قلبیمی غم بولدی حسین
کاش ئولیدیم عوضینده ننه میز اولدی حسین
.
.
نار محنتده یانوردی ننه میز ئوز ئوزونه
دیمیشیدی ننه مین ظلمیله سیلی یوزینه
دولموشیدی باجون ئولسون ننه مین قان گوزینه
وئرن اولمادی بو غمده ننه مه دلداری
ننه مین قلبینه باتمیشدی قاپی مسماری
.
.
ننه مین باجیسی اولمادی یاسیندا باش آچا
قورا غم بزمی ویرا باشینه گوز یاشی آخا
وای باجی وای دیه آغلار قاپی آغزیندا دورا
ننه یاسینده گلون سینه میزی داغلیاقون
باجیسیز فاطمیه نوحه دییوب آغلیاقون
.
.
منه بیر گون دیدی دیل داغلیاجاقسان زینب
کنج ویرانه ده گوز باغلیاجاقسان زینب
ننوون اوخشاری اونا آغلیاجاقسان زینب
ننوین اوخشارینا آغلیاجاقسان زینب
گوزلرون غملی قیزیم شامیده یولدا قالاجاق
غربتین دردو غمی باشووه سایه سالاجاق
.
.
ئولورم من گینه وارسان دوتاسان سن منه یاس
واردی یانونده حسین ایلمه چوخ درد احساس
سنه نهر اوسته دوتار شام غریبان عباس
داغلاروق سینه لری کرب و بلامحنتینه
آغلاروق قارداشون عباسین اوجا قامتینه
.
.
ننه سیز لر ننه دردینده یانار آغلار حسین
سینه سین دیلده یانقلی سوزوولن داغلار حسین
نقدر عمر( بلادی) اولایاس ساخلار حسین
آندویرک سنی بیز قولسوز علمداره خانم
نظر ائت قانلی گوزیلن سن عزاداره خانم
.
.
#حیدریه_شجاعت
#فاطمیه_شهادت
#بت_پرست_امته_چون_فاتح_اولوب_ختم_نبی
#بلادی_اردبیلی
✍️ #زبدةالاشعار ✍️
?: @nohe_torki
نظر دهید