سپهر عشقه خورشید جهان آرادی معصومه #حضرت_معصومه_مصیبی_تبریزی

«وصف جلالت حضرت معصومه(س)»
.
✍️ زبدة الاشعار ✍️

?: @nohe_torki
.
محمد علی مصیبی تبریزی
.
سپهر ِ عشقه خورشید جهان آرادی معصومه
کرامت مکتبینده سِرّ کرّمنادی معصومه
سخاوت کانی ، فضل و بذلیده دریادی معصومه
انیس حوردور اِنسیۀ حورادی معصومه
یازان غربت حدیثین؛ فاش یاز زهرادی معصومه

.
سپهر عصمتین خورشیدی برج عفته آیدی
حریم کبریادن سُفرۀ آلُ اللهه پایدی
مخالف صیحه سی معصومه حقینده فقط هایدی
نَسبدن دُخت زهرا دی یقیناً زینبه تایدی
شهامت فصلینون هر جزئینه دارادی معصومه

.
صفای باطنی صدر فراخیندن رواجی دی
خواتین ِ حریمه بیر برازنده سراجی دی
آتاسی دی حوائج بابی هر درده علاجی دی
اخاسی خسرو ملک ولا باشلاردا تاجی دی
باجی قارداشلیق عشقیلندی،پابرجادی معصومه

.
بو درگاهه کرامت اهلی بیربیر هامّی سائلدی
مزارین طوف ائدن هربیرفیوضات اولسانائلدی
تولّاسی دوشه هر قلبه ، کبر و کینه زائلدی
آدین صدقیله سسله ، گور نئجه حلُّ المسائلدی
نشان رأفت و لطف حق یکتادی معصومه

.
کرامت کائناته افتخار پنج تندن دی
کرم کی بونداواردی منشأئی جدّی حسندن دی
کریمه شهرت آلماقی همان بیر انجمن دن دی
روانی ایله محفلدن دی جسمی ایله تندن دی
کرامت ملکینه شهزاد بی همتادی معصومه

.
خانم؛ شانونده بس کی درگهون باب کرامت دی
رضا قارداشیوین شأنینده بس، شمس امامتدی
سیزین انوار الطافوز بیزیم ایرانه عزت دی
کیچیک ایش اللریزده چاره سیز درده طبابتدی
رضا تک درده درمان ائتماقا همتادی معصومه

.
اگرچه بو باجی قارداش آدیندا حسّ غربت وار
ولیکن مشهد و قُمدا بیرآیری شأن وشوکت وار
بو ایکّی شهریده حاکم ، الهی رُکن و دولت وار
خانم معصومه آدیندا رضا آدیندا عزت وار
شُکوه کشور ایرانه بانی آدی معصومه

.
کرمده اهل بیت مصطفایه نسبتی واردی
خلائق جمله انس وجنّ و حوره رحمتی واردی
گلن درگاهینه زائر کیم اولسا رأفتی واردی
گدا و شاه فرق ائتمز همیشه حرمتی واردی
سلیل باوقار عترت طاهادی معصومه

.
خانم معصومه عزّ و شأنیده زهرا نشانیدی
صفا بخش قلوب جملۀ ایرانیانیدی
مقامینده بو بس کی عمّۀ صاحب زمانیدی
بو عنوانه ، مزاری همجوار جمکرانیدی
آدی ورد زبانِ شاه سامرّادی معصومه

.
حریم صحن معصومه حرمدی اهل ایمانه
صفاونشئه سیندن اوخشاری وار باغ رضوانه
تجلّی گاه عشق و معرفت اولموش محبانه
تاپانماز یر بو درگهده کیم اولسا عشقه بیگانه
حیا و شان و عزّ و جاهیده تنهادی معصومه

.
رواقیندن فروغ عشق عرش و فرشه تاباندی
بقیع جان فزا تک بارگاهی نیر جاندی
بو یرده گرچه قبر پاک معصومه نمایان دی
آناسی فاطمه قبری ولی یثربده پنهاندی
بقیعین عطرین آل قمدان دئنن زهرادی معصومه

.
وهابی لر گرک باخسونلا ایراندا اولان جاهه
همان ملک خراساندا یاتان شانلی شهنشاهه
و یا قم شهری نین برج وفاسینده باتان ماهه
بیزیم تک عزت ایلر کیم بو معصومان درگاهه؟
ولیّ ِ حقدی شأن و منصبی والادی معصومه

.
خانم معصومه قبریندن «مُصَیب» فیض تام آلدی
شمیم روح بخشیندن وجود زاری کام آلدی
اونون زهرا آناسیندان کمال و احترام آلدی
قلم وورماقی دربار ولایتدن مقام آلدی
یازیلمیش شعره«عشق اولسون دئسه»باجادی معصومه

.
#حضرت_معصومه_مدح
#سپهر_عشقه_خورشید_جهان_آرادی_معصومه
#مصیبی_تبریزی
#ترکی
.
✍️ #زبدةالاشعار ✍️

?: @nohe_torki