ای حسین ای عشق سلطانی سلام اولسون سنه #عباسیه_امانی_اردبیلی

سلام به ساحت مقدس حضرت ابا عبدالله الحسین (ع) و حضرت اباالفضل العباس (ع)
.
.
حاج علیرضا امانی اردبیلی
.
.
ای حسین ای عشق سلطانی سلام اولسون سنه
ای قویان حیرتده دنیانی سلام اولسون سنه
.
.
ای حسین ای زینت دوش جناب مصطفی
وی گلِ گلزارِ آغوشِ علیَّ المرتضا
ای عزیز دودمان حضرت خیر النسا
آغلادان دردینده دنیانی سلام اولسون سنه
.
.
ای حسین ای خاک پایونّن مزیّن #کربلا
سرگذشتین ایله دی سنلن مُدوّن کربلا
کربلانی ایله دون ایثاریلن سن کربلا
کیم تانوردی قانلی صحرانی سلام اولسون سنه
.
.
ای حسین ای خیمه گاهی قبله ی اهل وِلا
ای وِئرَن اون گونده درس اَلبلا و لِلولا
ای اولان کرب و بلاده عترتی غرق بلا
وی خداوندِ پریشانی سلام اولسون سنه
.
.
ای حسین ای مسندِ ثاراللّهون احراره جاه
سئندران شأنین رعیّت بیلمیَن قدرین سپاه
دشمنون نامرد اولوبدی ای کمک سیز پادشاه
تیتره دن عرش مُعَلّانی سلام اولسون سنه
.
.
ای حسین ای مرقدی شش گوشه ای غم مظهری
ای یاتان پایینِ پاده شاهزاده اکبری
سینه سی اوسته آلان نعش علی اصغری
ساخلا ای جانان ایکی جانی سلام اولسون سنه
.
.
ای اباالفضل ای سو اوسته قولاّری تندن قلم
سن یخلدون نهریده اولدی حسینین قدّی خم
بارگاهون باب عزّت اولدی ای صاحب کرم
کربلانون ماهِ تابانی سلام اولسون سنه
.
.
ای اباالفضل ای مزارون آرزویِ شش جهات
بیر آدون باب الحوائج بیر آدون بابَ النجات
قالدی حسرت قانلی مشگوندن اوپه آب حیات
مشگه توکدون اشک بارانی سلام اولسون سنه
.
.
دفتره یازدی #امانی گوز یاشیلان بو سؤزی
ای قویان قیمت سووآ بیر باش ایکی قول بیر گوزی
ای آدی سقا آدینّان شرمگین امّا ئوزی
اِئیلیین شرمنده دریانی سلام اولسون سنه
.
.
.
#سلام_بر_عاشورائیان
#حسینیه_مدح #ورود_محرم
#ای_حسین_ای_عشق_سلطانی_سلام_اولسون_سنه
#امانی_اردبیلی #ترکی #زبدةالاشعار