حالات مدینه
خطاب به حضرت رباب (س)
..
..
..
..
مرحوم نخستین اردبیلی
..
..
..
..
آز آغلا قارداشمون غملی نوحه خوانی ربابیم
گولی خزانه گئدوب ئولدی باغبانی رباییم
..
..
..
..
بو صحن خانه سنه بارگاه اعظم اولوبدی
منیم کیمی گورورم سروقامتون خم اولوبدی
گوزومده کرب و بلا صحنه سی مجسم اولوبدی
قوجالموسان گؤرورم دورۀ جوانی ربابیم
..
..
..
..
وفالی سن گؤزه لیم سن وفاشعاریم سن
ئوره گی یاره لی قلبی یارالی یاریم سن
آنام بتولین عروسی منیم وقاریم سن
نولور عوض إئده سن غملی آشیانی ربابیم
..
..
..
..
هاچاندی سن نیه گؤزلر یاتاندا یاتمورسان
نه گون چیخاندا نه ده آی باتاندا یاتمورسان
ستاره باش باشا گوگده چاتاندا یاتمورسان
بهانه ایله موسن صود امر بالانی ربابیم
..
..
..
..
اشاقه باشووی سن بیله سالما دور گل ایوه
بوصحن خانه بوجاقینده قالما دور گل ایوه
بو ایستی گون قاباقیندا دو قالما دور گل ایوه
گورن سنی تانیمور وئردون امتحانی ربابیم
..
..
..
..
گلین گلنده مگر اگنووه قرا بیچیلوبدی
اودور ستارۀ بختون ستاره دن سئچیلوبدی
او قدر درد چکوب سرو قامتون کیچیلوبدی
بلالی سن باشوون واردی داستانی ربابیم
..
..
..
..
او بلبلی که یاتاردی گولون بوداقینده
گئدوب سو ایچمگه نهره آتا قوجاقینده
دگنده اوخ الى قالمیشدی گول دوداقینده
حسینیمون سینه سی اولدی آشیانی ربابیم
..
..
..
..
دیین یوخیدى أل اوسته قالانی ویرمازلار
قنادینی سویون اوسته چالانی ویرمازلار
سه شعبه تیریله بیر قوش بالانی ویرمازلار
نه سینمادى ألى نه سینمادی کمانی ربابیم
..
..
..
..
عروس فاطمه سن یاتما بیله گون قاباقیندا
یاتاندا گل گئجه لر یات آنام بتول اطاقیندا
باتان ستاره لرین اولما هر گئجه سراقیندا
صباح اولونجا بئله گزمه آسمانی ربابیم
..
..
..
..
دئدیله سسلمه بلکه یاتوبدی دینجله جک
و یا که غشّ ایلیوب صبر إئله حالا گله جک
بو قدری آغلاما زینب هامی دوشوب ئوله جک
حسین عزاسنیه قاتدی اودور عزانی ربابیم
..
..
..
..
خرابه ده منیلن امتحان وئرن گلینیم وای
مناده صود امری لخته قان وئرن گلینیم وای
خرابه یرده قیزی، بوردا جان وئرن گلینیم وای
گوزی خرابه ده قالدی ویرنده جانی ربابیم
..
..
..
..
منیم ئوره گیمی مین لرجه داغلیان گوزون آچ
حسینیمه گیجه گوندوز چوخ آغلیان گوزون آچ
کیمیدی گوزلرووی بیله باغلیان گوزون آچ
داغیلدی فاطمه نین غملی دودمانی ربابیم
..
..
..
..
ایکی بالاسی ئولن مهربان عروسیم اویان
منیم ایویمی یخان باغریقان عروسیم اویان
بو غملی محنتی وئرمه نشان عروسیم اویان
بو ساعته یوخیدی زینبون گمانی ربابیم
..
..
..
..
وصیتون یوخومیش سن وصیت ایلمدون
حسینیمون غمینه صبر و طاقت ایلمدون
قوری یریدی یرون سن اقامت ایلمدون
وجودوون یوخومیش طاقت و توانی ربابیم
..
..
..
..
اویان طرفده امام زمان دیور نه نه وای
الى ئوره کده قالان باغریقان دیور نه نه وای
عصا الینده او قدّى کمان دیور نه نه وای
إئدوبدى تکیه که ألده اولان عصانی ربابیم
..
..
..
..
منى قویان ألى قوینوندا یانه یانه دانش
حسینین عاشقی سن باری عاشقانه دانش
ئولوبدی صود امرون ایلمه بهانه دانش
گتورمه درده بئله درده مبتلانی ربابیم
..
..
..
..
طریق عشقیده غم غصّه لر چکن باجیام من
حسینیمیله هامی غم لری بُولن باجیام من
بی گونده آلتی نفر قارداشی ئولن باجیام من
منم چکوب گتورن غملی کاروانی ربابیم
..
..
..
..
#حضرت_رباب #نخستین #ترکی #زبدةالاشعار #ورود_مدینه
نظر دهید