آنالوق حرمتینه گئتمه دایان یا ولدی #اکبریه_صدری_اردبیلی

وداع حضرت علی اکبر(ع) با مادر
..
..
..
#سبک_یارالی_جان_یارالی … #سبک_شهریاریمسن_آقا … #سبک_کربلا_منتظر_ماست … 4 سبک
#سبک_ای_منیم_آرخام_ایلیم (با اضافه کردن واگیر)
..
..
..
مرحوم صدری اردبیلی
..
..
..
..
آنالوق حرمتینه گئتمه دایان یا ولدی
بوندان آرتوق اورگیم ایلمه قان یا ولدی
..
..
..
..
سنی وئرّم قسم اللهه بیر آز ساخلا قدم
آیاقون آلتینا بو معجریمی فرش ائلیم
سن یئری معجریمون اوسته من آز قالدیم ئولم
بیر قدم گئتسون اگر تولّم اینان یا ولدی
..
..
..
..
او قرا گوزلروون قاره سینه لیلى فدا
سن جوانسان على بو رزمگهه گئتمه بالا
اوزوه یا منه رحم ایله یا خوردا باجووا
دشمنون چوخدو سنون گئتمه امان یا ولدی
..
..
..
..
یوخدو جانیمده لیاقت علی قربانون اولا
قالمیا ایندی بو سأعت على قربانون أولا
جسم بی روحه نه حاجت علی قربانون أولا
قویمیوب ہو روشون منده توان یا ولدی
..
..
..
..
بیلمورم غصه دی یا واهمه دوتدی گوزیمی
گورمورم گل یوزووی من که ایتوردوم اوزیمی
دوتولوبدور بوغازیم شرح ائده بیلمم سؤزیمی
رنگیمه باخسون اولور سرّیم عیان یا ولدی
..
..
..
..
قدمون ساخلاگیلان خیمه ده بیرده دانشاق
قویوم أؤز تورپاقا من قوى اوزیمون اوسته ایاق
نئجه لیلا سنی قویسون على جان گوزدن ایراق
سندن اوزگه اونوچون یوخدو گمان یا ولدی
..
..
..
..
او علاقه که سنه واردور على جاندا منیم
باغلانوب رشتۀ عشقونله سراسر بدنیم
ایاقون تورپاقی جانیمدو بدن پیرهنیم
یره باخ گور قدمون التدادو جان یا ولدی
..
..
..
..
من دییردیم من ئولن وقته جوان مدنی
اوز الیله آپاروب داخل ائدر قبره منی
نه که من بختی قرا عازم ائدوم جنگه سنی
قرمزی قانوه غلطان اولاسان یا ولدی
..
..
..
..
آیریلوق مثل اجلدور نیه بس ئولمیورم
گئتمگون گورّم علی گلمگوی گورمیورم
بیرده سالم گله سن حکم یقین وئرمیورم
هر شهیدی که گئدوب گلدی هاچان یا ولدى؟
..
..
..
..
پیرهن که زره آلتدان گینویسن بدنه
چیخات اول پیرهنی گل آنوی بوک کفنه
دیری لوق سن سیز على بیرده نه لازمدو منه
بویومیش فایده ی دور زمان یا ولدی
..
..
..
..
گور هارا ایش یتشوب دوندی بو اوضاع جهان
گوتوروب سندن الین پادشه تشنه لبان
گوزی یاشلو سنی میدانه اوزی ائتدی روان
سن گئدورسن او باخور ناله کنان یا ولدی
..
..
..
..
صدریا روز و شب ائتمیش سنی آشفته بو آد
اکبرون محنتی قلبونده ائدوب دردی زیاد
دلده بو مصرعی اوراد ائله قیل ناله و داد
آنالوق حرمتینه گئتمه دایان یا ولدی
..
..
..
..
#اکبریه #صدری_اردبیلی #اکبریه_شهادت #ترکی #زبدةالاشعار