اولدی چون سقّا مقابل نهریده عدوانیلن #عباسیه_امانی_اردبیلی

شهادت حضرت اباالفضل علیه السلام
.
#زبدةالاشعار
.
: @nohe_torki
.
حاج علیرضا امانی اردبیلی
.
اولدی چون سقّا مقابل نهریده عدوانیلن
وُردی لشگر تشنه لب سرلشگری پیکانیلن
.
.
سیر ائدوردی وادی عرفانی سقا کو بکو
ایلیوردی زمزمه ایّاکَ رَبّی نَعبدو
کسدیلر ناگه علمدارین یولون فوج عدو
بیر سپه روباهه باخ بیر شیر لب عطشانیلن
.
.
اولدی حکمتدن مقرّر موبمو تقریرلر
بوسه آلدی پیکر عباسدن شمشیرلر
وردولار اعدا علمداره او قدری تیرلر
آیری دوشدی مست عشقون پیکر سامانیلن
.
.
ایله دی غالب بلا شهزادیه هندولری
قویدی سرگردان او صحراده غریب آهولری
آیرلوب پیکردن عباسون قوی بازولری
فصل وصلی یازدلار عرفاندا بو هجرانیلن
.
.
قعر علقمنن بیر اوخ پر آچدی سوی ماهتاب
وئردی اذن فتح الاَبوابی مدیر احتجاب
پرده لر ردّ اولدی ناگه گورسنوب پشت حجاب
گوردی اوخ اسراری واضح دیدۀ کتمانیلن
.
.
گوردی پرچمدار عشقی ذکر یا قدّوسده
ایلیور معراج عرفان عالم مآنوسیده
غرق حیرت خاک صحرا آسمان افسوسیده
هم نوادور عرش اعلی خاک نخلستانیلن
.
.
آچدی اوخ معناد ه دیل ائتدی کأنّه اعتذار
جبریدور سیریم دئدی زه آلدی مننّن اختیار
مقصدیم مشگوندی یا عباس اگر چه شیر خوار
گوزلیور الآن بو مشگی خیمه ده افغانیلن
.
.
واقفم حسرت قالوب بو دشتیده گلشن سوآ
گوندریب امّا منی اصراریلن دشمن سوآ
سن اولوبسان مشتری اوخلاره الآن من سوآ
قالموشام آواره بو بازاریده بحرانیلن
.
.
یوخ دئدی، عباس او تیره دگمه حاشا مشگیمه
تور تلّینن ائدور موسی تماشا مشگیمه
سانجل ای اوخ ساغ گوزه سانجلما امّا مشگیمه
اتمه قیزلاردان منی شرمنده بو طغیانیلن
.
.
ایچمه دیم سو ، ایچمرم ، تا ایچمیوب سو قارداشم
ایلر ای پیکان سنیلن آیری بیر سودا باشم
سن گوزومن سانجل الآن جاری اولسون قان یاشم
من توافق اتمیشم بو باره ده مژگانیلن
.
.
عرصه گاه معرفتده عارفم پیمانیمه
اوخ دسم اوچ پر اوخا جور اتمیشم ئوز جانیمه
جان ندور بذل ایلرم مین جان اولا جانانیمه
آد منیمدی رمز و رازین جان بیلر جانانیلن
.
.
اوخ دئدی احسن بو عشقه اتدی کج ئوز راهینی
اوپدی ساغ گوزدن وزیری قویدی حسرت شاهینی
آخدی قان گویا دوتوبدی هاله علقم ماهینی
آسمان نیزاره باخدی دیدۀ گریانیلن
.
.
وار یئری بو بندیده اود دوتسا صبرون خرمنی
اولمادی ال گوزلرینّن ردّ ائده قان پرده نی
قالدی آواره ایتیردی هم یولی هم دشمنی
دوتدولار اعدا هدف سو مشگینی پیکانیلن
.
.
اولدی چون باب الحوائج بی خبر اشراریدن
آچدی پر بیر آیری پیکان ناگهان نیزاریدن
بیچدی مشگی مرکب اوسته آلدی پرچمداریدن
هم سویی هم طاقتی هم تابی بیر جولانیلن
.
.
آچدی پیکان مشگه گوز مشگ اولدی گویا اشک رو
گئتد ی مشگ و آبیدن هم آب رو هم آبرو
قان او گوزدن یاش بو گوزدن آخدیلار آخدیقجا سو
اوخ اوخا باخدی سو آخدی قطره قطره قانیلن
.
.
دیدۀ عبّاسده اوخ گلدی ناگه شیونه
باخدی مشگه سسله دی پیکانه اُفّ اولسون سنه
آخر ای اوخ سن دئدی اولدون ندن خائن منه
مشگی اتمیشدیم عوض من چشم خون افشانیلن
.
.
جنسمیز بیر جسممیز بیر شکلمیز بیر فعل بیر
یوخدی وحدتده خیانت منده تیرم سنده تیر
من سودان گئچدیم نیه سن مشگی بیچدون ای شریر
قویدون عباسی ندن آواره بو طوفانیلن
.
.
بی مروّت سنده هچ احساس یوخدی سردسن
اصغری لب تشنه قویدون انتهای دردسن
سن اباالفضلی اوتاندردون عجب نامردسن
نینه سین لب تشنه سقّا تشنه لب طفلانیلن؟
.
.
.
#عباسیه_امانی_اردبیلی
#عباسیه_شهادت
#اولدی_چون_سقا_مقابل_نهریده_عدوانیلن
#ترکی
.
#زبدةالاشعار
.
: @nohe_torki