اونداکی گوردی اولوب قارداشی خندان گل کیمی #حسینیه_کهنمویی

#عاشورا_گونی
خطاب حضرت زینب (س) بآفتاب
.
#زبدةالاشعار
.
: @nohe_torki
.
مرحوم سید حسین کهنوئی
.
اونداکی گوردی اولوب قارداشی خندان گل کیمی
سینه سینده باش باشا اوخلار چاتوب سنبل کیمی
باشلادی شور و نوا شوریده بیر بلبل کیمی
ایلدی بیله مخاطب بلبل شیدا کیمی
.
.
ای گون اینجتمه حسینی بی کفن دور بی کفن
گورموسن رحم ایلین یوخدور اونا رحم ایله سن
قویما یانسین گون قباقنده یارالی بو بدن
سایبانی اول اوزون ای خالق یکتا گونی
.
.
ای گون آرتدوقجا ستملر آرتوری نورون سنون
وار بو سوز و بو حرارتدن نه منظورن سنون
فرض ایداخ مجروح اولیدی پیکر عورون سنون
تیره شب خلقه ایدردون بیله نور افزا گونی
.
.
تاپمادون بیر گون طلوعنده حسینی خوابده
دائما گوردون عبادت وقتی پیچ و تابده
بو گونی اما یاتوبدور قانلی بیر محرابیده
تا اولوب لیله مبدل عترت طاها گونی
.
.
ایتمدی اوز خدمتنده قارداشیم هرگز قصور
هر یارا بو زخمداره آرتورور وجد و شرور
قانلی توپراقدا یوزی عرض ایلور ای رب غفور
دست خالی ایلمه اوز بنده وی سودا گونی
.
.
«کهنموئی» گون کیمی قالماز حقیقت ابرده
عاقبت شیرین ثمر وار ناگوارا صبرده
اهل حق المز اگر یاتسا مین ایل ده قبرده
سربلند ایلر اونی حق محشر کبری گونی
.
متن کامل این شعر در هشتک زیر
#یانماسیدی_باب_زهرا_ظلمیله_شورا_گونی
.
#عاشورا
#قتلگاه
#حسینیه_کهنمویی
#حسینیه_شهادت
#اوندا_کی_گوردی_اولوب_قارداشی_خندان_گل_کیمی
#ترکی
.
زبدةالاشعار
.
: @nohe_torki