اربعین
زبانحال حضرت زینب (س)
..
..
..
..
محسن محمدی هشترودی
..
..
..
..
..
ای افتخار آل عبا گلمیشم حسین
کرب و بلایه باشدا قرا گلمیشم حسین
..
قربان اولا باجون کسیلن تشنه حنجره
دین عشقینه یارالی فدا گلمیشم حسین
..
دیندیر اسیر اولان باجووی شاه کربلا
ایلوب احاطه درد و بلا گلمیشم حسین
..
بوردان گیدنده قویمادلار آغلیام سنه
قورّام ئولونجه بزم عزا گلمیشم حسین
..
قارداش یانان ئورکلره بیر چاره تاپمادیم
وار تُربتونده خاک شفا گلمیشم حسین
..
بولمم ندور که ئولمه میشم زنده قالمیشام
غملر الینده صبح و مسا گلمیشم حسین
..
توپراقلار اوسته یاره لی جان ویردون آغلادیم
باشون آیردی شمر دغا گلمیشم حسین
..
امداد ائدن تاپولمادی اولاد حیدره
چارم کسیلدی دلده نوا گلمیشم حسین
..
میقاتگاهده او گون احرام باغلادیم
سالدی فشاره سعی و صفا گلمیشم حسین
..
باشون دالیجا کوفه و شامی دولانمیشام
عشقون چکوبدور هاردان هارا گلمیشم حسین
..
آند اولسون حقّیوه آنام اوغلی قوجالمیشام
زلفوم آغاردی قدّی دوتا گلمیشم حسین
..
سولدی بو چولده گلشن و گلزار فاطمه
تاراج ائدوبدی دست جفا گلمیشم حسین
..
قارداش زیارتی باجیبا روح بخشدور
باری جواب ویر باجووا گلمیشم حسین
..
اولدی نصیب توزلی مزارون زیارتی
شکر خدایه ، دلده نوا گلمیشم حسین
..
یانّام او حاله لبلروی بُلدی خیزران
عمروم حیاتی اولدی فنا گلمیشم حسین
..
اما رقیّه دن آنام اوغلی خجالتم
قالدی خرابه یئره بالا گلمیشم حسین
..
زهرا بالاسى عفو ایله شرمنده زینبی
گوز یاشی ئوزده دلده نوا گلمیشم حسین
..
ویرسن اجازه کوینگمی خارج ایلرم
جسمیمده آبله اوخونا گلمیشم حسین
..
ئوللم گورنمرم من محزون دلفگار
بوردا اولاندا عالی بنا گلمیشم حسین
..
مداح «ناطقی» دئیور ای روح فاطمه
احسان ئوزیله باخ قاپووا گلمیشم حسین
..
..
ای افتخار آل عبا گلمیشم حسین #اربعین_محمدی_ناطق
نظر دهید