ای بشر بیل که بو دنیا سنه یار اولمیاجاق #پندیات_چوپانی

پندیات
.
.
حاج قدرت چوپانی (مشعل)
.
ای بشر بیل که بو دنیا سنه یار اولمیاجاق
دار دنیاده قوناقسان سنه دار اولمیاجاق
.
دویمادون بیرجه بو دنیاده گرگ اویمیاسان (1)
بیلمدون که سنه دنیاده قرار اولمیاجاق
.
بیلمدون که سنی آلله نیه خلق ائتمیشدی
بنده مست اولسا رضا ذات کبار اولمیاجاق
.
بشرین فلسفۀ خلقتی جدّیتدی
او که غافلدی اونا لطف نگار اولمیاجاق
.
بش مین ایل عمر ائده سن سجده ده دائم قالاسان
ذره جه اولسا ریا اوندا عیار اولمیاجاق
.
تک نمازیله اوروجدان سنه ایمان چیخماز
دوزدی ایماندی٬ ولی لایق یار اولمیاجاق
.
اصل ایمان اودی هر درسده نمره آلاسان
بیر گل آچماقلا مثلدور که بهار اولمیاجاق
.
مردمین حقّینی غصب ائت صورا سال سجاده
بئله سجاده سنه حایل نار اولمیاجاق
.
اولماسا مؤمن اگر ئوز عملینده عارف
باشه مین ایل ویرا مولا اونا یار اولمیاجاق
.
اوخی بیر زندگیِ «بلعم باعورانی» (2)
ائله طاعت ائله سون لیل و نهار اولمیاجاق
.
ایکی یوز ایل یخیلوب سجده گهه قیلدی نماز
هامی سویلور بونا قبرینده فشار اولمیاجاق
.
ولی قبره قویولاندا یوخودی ایمانی
بلی باورده یقین اولماسا ٬بار اولمیاجاق
.
هامی مسئولیدی٬ رهبردن الی سربازه
اَل اله وئرمسه٬ ملتده وقار اولمیاجاق
.
گر علی شیعه سی سن٬ قونشیوین احوالینه باخ
ئوز عیالون دئمه بو درده دچار اولمیاجاق
.
یئرمی قصری ائله اون بش٬ بئشینی یوخسولا وئر
اوندا باخ گور سنه گلشن او مزار اولمیاجاق
.
دئمه من عرضه لییم٬ نفسوی توجیه ائلمه
گَلی بیر گون سنه ده راه فرار اولمیاجاق
.
ایلده دورت یول گئدوسن مکیه مُحرِم اولاسان
مَحرم اول٬مُحرمِ بی مهره عیار اولمیاجاق
.
سن اگر مکّیه گتماقدا بهشت آختاروسان
دولان ئوز شهریوی قورخما سنه عار اولمیاجاق
.
گجه لر گور نقدر آج بالا وار ائولرده
بی ریا مکه اودور فیلم نوار اولمیاجاق
.
اوردا قوی آلله ئوزی فیلم گوتورسون سندن
ائله بیر فیلم که٬همتاسی دوبار اولمیاجاق
.
.
سن اگر آللها ساری ائله سون بیر حرکت
مطمئن اول وئره جکدور سنه مین بیر برکت
ـــــــــــــــ
(1) دویمادون = نفهمیدی
اویمیاسان = نخوابی
.
(2 ) بلعم شخصیت عالمی بود که حضرت موسی(ع) از وجود او به عنوان مبلّغ استفاده می‌کرد . او را داننده اسم اعظم دانسته‌اند که از این دانش خود سوء استفاده کرد .
.
برخی مفسران آیه ۱۷۵ و 176 سوره اعراف را درباره او دانسته‌اند:
.
«وَ اتْلُ عَلَیهِمْ نَبَأَ الَّذِی ءَاتَینَاهُ ءَایاتِنَا … و بر آنها بخوان سرگذشت آن فردی را که آیات خود را به او دادیم ولی (سرانجام) خود را از آن تهی ساخت و شیطان در پی او افتاد، و از گمراهان شد.»
.
دعای او همیشه مستجاب می‌شده است. داستان بلعم در تورات نیز ذکر شده است.
.
برخی نقل کرده اند که بلعم که خواهان نابودی سپاه حضرت موسی(ع) بود، از حاکم خواست که زنان را به استقبال بنی‌اسرائیل بفرستند. شاید بنی‌اسرائیل به این وسیله به زنا دچار شده و خداوند آنان را نابود کند …
.
.
.
#پندیات
#ای_بشر_بیل_که_بو_دنیا_سنه_یار_اولمیاجاق
#چوپانی_مشعل
#ترکی #زبدةالاشعار