حضرت زینب(س) خطاب به سر امام(ع)
.
✍️ زبدة الاشعار ✍️
?: @nohe_torki
.
مرحوم غمکش
.
ای رأس سناندا دولانان باش اوخی قرآن
وی لبلری قانه بویانان باش اوخی قرآن
.
وی زینبین آرام دلی روح و روانی
وی قوّت سمع و بصر و نطق و بیانی
قرآنه ویرن یتمش ایکی تشنه فدانی
قرآن سسیوه دل هوسیم وار اوخی قرآن
جان جان دیرم تا نفسیم وار اوخی قرآن
.
شورا گونی حق خارج او اندازه‌دن اولدی
تا کوفه‌ده شورایه کمک تازه‌دن اولدی
عضووندی چو قرآن بیله شیرازه‌دن اولدی
کهف آیه‌سینی ایله تلاوت عجب اولماز
طالب سسیوه گرچه ریاست طلب اولماز
.
وار کوفه‌لیده ظاهر قرآنه علاقه
قرآن که گلور بزمه دورور مردم اَیاقه
محشرده سالار باشین همین ملّت اَشاقه
چون ناطق قرآنیله دشمندی بو ملّت
متنی اوخویوب ایتدیله معنایه عداوت
.
قرآن اوخی ویر قلب پریشانلار قوّت
باخدوقجا گولر گرچه بو بی‌شرم جماعت
هرچند وورار نیزه‌ده داش بیر قوجا عورت
اَلقانون آخار سو کیمی قارداش اوخی قرآن
زینب اولا قربان سنه ایکاش اوخی قرآن
.
ای مکتب توحیده سبب وحدته بانی
وی قطع اولونان تشنه رگنده شریانی
اعلان ایله دنیایه اوزون بو جریانی
تکبیر اوخی ای نیزه باشینده اوجالان باش
بولسونله مسلماندی کول اوستنده قالان باش
.
ای صورتی آئینۀ حق صادق و سرمد
دلبند علی، حجّت حق سبط محمّد
اخلاق و کمالاتی پسندیده و امجد
قوم اوسته بدن نیزه‌ده قانی سوزولن باش
مرجان کیمی رخسارینه القان دوزولن باش
.
رسوا ایله هر فتنه‌گر و نقشه قورانی
فرمان یازانی قتلیوه آماده دورانی
گل پیکریوه خنجر و اوخ نیزه وُرانی
مکر ایلیور آللهه گیرور قاضی کمینه
ثاراللّهی ظلمیله توکور روی زمینه
.
ای نیزه‌ده قرآن اوخویان لب سنه قربان
قرآن اوخی واضح اولا مطلب سنه قربان
قول باغلو گزن ناقه‌ده زینب سنه قربان
شاماتیده تا باز اولا پرده اوخی قرآن
گورسون هامی اعجاز اولی سرده اوخی قرآن
.
ای قتلگهین قانیله الوان ایلین باش
وی عرصۀ میدانی گلستان ایلین باش
اوز جانینی قرآنینه قربان ایلین باش
کول اوسته اولان خولیه مهمان اوخی قرآن
دین گلشنینه بلبل خوشخوان اوخی قرآن
.
ای عزّت باغ و چمن و گلشن طاها
افسرده گل و یاسمن و سوسن زهرا
قرآن صفت و مظهر حق منطقی معنا
برنامه‌سی قان جامه‌سی قان پیکری عریان
عمّامه‌سی قان کوینگی القان اوخی قرآن
.
ای واقف قرآن سینه‌سی تیره نشانه
چوب و حجر و خنجر و شمشیره نشانه
گل نطقه اوزون ویر من دلگیره نشانه
اوخلار دوزولن سینه‌سینین اوسته چو مژگان
شان شان ایلین جسمینی پیکان اوخی قرآن
.
حیران قالان ای حکمت و داروسینه لقمان
حسرت آپاران عشقینه داود و سلیمان
لطف ایله اوزون «غمکشیوین» دردینه درمان
شیرازه‌سی قان نقطه‌سی قان جدولی القان
سجّاده‌سی قان سجده‌سی قان پیکری قرآن
.
احسان ایلین خضره اَیا آب حیاتی
ادریسه فراهم ایدن اسباب نجاتی
تحریر اولونان تیر و سناندان صفحاتی
ترکیب اولونان خون دلیله کلماتی
تفسیر اولونان وصفینه قرآن صفحاتی
.
#سبک_ای_باد_صبا … بیش از 7 سبک
.
#کوفه
#ای_رأس_سناندا_دولانان_باش_اوخی_قرآن
#غمکش
#یادگار_غمکش
#ترکی
.
✍️ #زبدةالاشعار✍️
?: @nohe_torki
نظر دهید