ای پیکر اسلامه جسمی جان عموجان #قاسمیه_صحاف_تبریزی

اذن میدان جناب قاسم (ع)
.
.
#سبک_ای_درد_بی_درمانلارا
.
.
.
مرحوم صحاف تبریزی
.
.
ای پیکر اسلامه جسمی جان عموجان
وی روح بخش عالم امکان عموجان
.
.
وئردون عم اوغلوم اکبری اسلامه قربان
وئر اذن اولوم منده سنه قربان عموجان
.
.
یالقوزلقون گوردوم گیدوب تاب و توانیم
بی اختیار آخدی یوزه اشگ روانیم
سن دینه قربانسان سنه قرباندی جانیم
عشقونده خوشدور جان وئرم عطشان عموجان
.
.
سندن اجازه ایستدیم ای شاه دوران
سن ویرمدون رخصت منه اولدوم پریشان
اوز قتلیمه گتدیم الیمده ایندی فرمان
باخ گور آتام یازمیش نجه فرمان عموجان
.
.
جان وئردی یار و یاورون عطشان بو چولده
لب تشنه اولدى قانینه غلطان بو چولده
لطفون شها ایله منه احسان بو چولده
منده اولوم تا فدیه ی جانان عموجان
.
.
باخما صغیرم ای شه ملک امامت
یوخ باکیم اولسایوز بیله اهل شقاوت
حیدر بابامدور ارثدور بیزده شجاعت
قیلّام بو دشتی قانیله الوان عموجان
.
.
آیریلسا بند بندیدن جسمیم سراپا
خوشدور منه ای زینت آغوش زهرا
دوغواندی دین أوسته لب عطشان شبه طاها
اولدی وجودی گل کیمی خندان عموجان
.
.
ویرسن اجازه ولوله آفاقه سالام
قانین عم اوغلوم اکبرین بو چولده آلّام
گر وئرمه سن رخصت یانان قلبیله قالّام
سوز دلیم کونى ائدر سوزان عموجان
.
.
اولما رضا ای منبع جود و کرامت
قویسون باشا هر بیر آنا تاج شرافت
اکبر آناسندان آنام اولسون خجالت
ائتسون ئولونجه ناله و افغان عموجان
.
.
یوخدور آتام من بیر یتیمم دلشکسته
قیل بو شکسته گوگلومی لطفونله بسته
قویما گلوم فریاده چوخ بو رخصت أوسته
بیر من اولوم بیر دیده ی گریان عموجان
.
.
صحاف گل بوغمده سنده داده آغلا
سیل سرشگون عارضه حسرتله باغلا
بو اودلی سوزدن عالم امکانی داغلا
ای پیکر اسلامه جسمی جان عموجان
.
.
.
#قاسمیه #صحاف_تبریزی #ترکی #زبدةالاشعار